សេនហ្វ្រេនស៊ីស្កូ៖ នេះបើយោងតាមការចេញផ្សាយ ពីគេហទំព័រឌៀលីម៉ែលបានប្រាប់ឲ្យដឹងថា ក្រុមហ៊ុនបច្ចេកវិទ្យាយក្សអាមេរិក Microsoft ក្នុងសប្តាហ៍នេះបានរាយការណ៍ ពីប្រាក់ចំណូលប្រចាំត្រីមាសដ៏រឹងមាំ ដែលដំណើរការ ដោយតម្រូវការសម្រាប់ Cloud Computing របស់ខ្លួន ។
ក្រុមហ៊ុនបច្ចេកវិទ្យា Titan បាននិយាយថា ខ្លួនទទួលបានប្រាក់ចំណេញចំនួន ១៦.៧ ពាន់លានដុល្លារ លើប្រាក់ចំណូលចំនួន ៤៩.៥ ពាន់លានដុល្លារ ក្នុងរយៈពេល៣ខែដំបូង នៃឆ្នាំនេះ ៨ភាគរយ និង១៨ ភាគរយរៀងគ្នាច្រើនជាង រយៈពេលកាលពីឆ្នាំមុន។
នាយកប្រតិបត្តិក្រុមហ៊ុន Microsoft លោក Satya Nadella បាននិយាយថា យើងឆ្ពោះទៅមុខ ជាមួយបច្ចេកវិទ្យាឌីជីថល នឹងក្លាយជាធាតុចូលដ៏សំខាន់ផ្តល់ថាមពល ដល់ទិន្នផលសេដ្ឋកិច្ចរបស់ពិភពលោក។ នៅទូទាំងបច្ចេកវិទ្យាយើង កំពុងពង្រីកឱកាសរបស់យើង និងចែករម្លែក ខណៈលយើងជួយអតិថិជន ឲ្យមានភាពខុសប្លែកគ្នា បង្កើតភាពធន់ និងធ្វើកាន់តែច្រើនដោយតិចជាង។
ភាគហ៊ុនរបស់ក្រុមហ៊ុន Microsoft បានកើនឡើងច្រើន ជាងបួនភាគរយ ដល់ ២៨២៨.៤៤ ដុល្លារលើតួលេខប្រាក់ចំណូល ដែលបានមកជាមួយនឹង ទស្សនវិស័យសុទិដ្ឋិនិយម សម្រាប់ត្រីមាសហិរញ្ញវត្ថុបច្ចុប្បន្ន។ ក្រុមហ៊ុន Microsoft បានរាយការណ៍ថា ប្រាក់ចំណូលសម្រាប់ Cloud ឆ្លាតវៃរបស់ក្រុមហ៊ុន ដោយបង្កើតកម្មវិធីដែលរៀបចំ ដោយមជ្ឈមណ្ឌលទិន្នន័យជាមួយបញ្ញាសិប្បនិម្មិត បានកើនឡើងពីរយៈពេលដូចគ្នាកាលពីឆ្នាំមុន។
លោក Amy Hood ប្រធានផ្នែកហិរញ្ញវត្ថុរបស់ Microsoft បាននិយាយពីការចេញផ្សាយប្រាក់ចំណូលថា ការបន្តការប្តេជ្ញាចិត្តរបស់អតិថិជន ចំពោះវេទិកាពពករបស់យើង និងការអនុវត្តការលក់ដ៏រឹងមាំ បានជំរុញឲ្យមានកំណើនការកក់ពាណិជ្ជកម្ម ប្រសើរជាងការរំពឹងទុករួមជាមួយ នឹងប្រាក់ចំណូលពីកុំព្យូទ័រ Cloud។
ជំងឺរាតត្បាតបានពន្លឿនការផ្លាស់ប្តូរ ទៅការពឹងផ្អែកលើអ៊ីនធើណេត សម្រាប់ការងារ ការអប់រំ ការទិញទំនិញ សង្គម និងការកម្សាន្ត ដោយ Microsoft ហាក់ដូចជាមានទីតាំង ដើម្បីទទួលបានអត្ថប្រយោជន៍ ពីការផ្លាស់ប្តូររបៀបរស់នៅ ដែលនឹងនៅតែមានសូម្បីតែមនុស្ស ត្រលប់ទៅក្រៅផ្ទះវិញក៏ដោយ៕ ដោយ៖លី ភីលីព
