តារាចម្រៀងវ័យក្មេង Justin Bieber កំពុងតែមានសេចក្តីសុខខ្លាំងជាមួយនឹងភរិយា Hailey ហើយថ្មីៗ ពួកគេបានធ្វើឲ្យមនុស្សជាច្រើនភ្ញាក់ផ្អើល បន្ទាប់ពីបង្ហាញខ្លួននៅទីក្រុង Santa Monica រដ្ឋ California ដើម្បីញ៉ាំអាហារពេលល្ងាច ជាមួយនឹងរថយន្ត Rolls-Royce អគ្គិសនីដ៏ប្លែក ដែលមានតែ ១គ្រឿងគត់លើពិភពលោក។
រថយន្ត Rolls-Royce អគ្គិសនីរបស់ Justin Bieber ខាងលើ ត្រូវបានកែច្នៃដោយក្រុមហ៊ុន West Coast Customs ដែលស្ថិតនៅរដ្ឋ California សហរដ្ឋអាមេរិក។
គួរឲ្យដឹងដែរថា តារាចម្រៀងវ័យ ២៦ឆ្នាំរូបនេះ គឺជាអ្នកស្រលាញ់ចូលចិត្តរថយន្តម្នាក់ ដោយគេមានរថយន្តជាច្រើននៅក្នុងដៃ ក្នុងនោះរួមមានដូចជា Porsche, Lamborghini, Mercedes Benz, Audi, Cadillac និង Range Rover ជាដើម៕ ប្រភព៖ sabay
