បន្ទាប់ពីរង់ចាំការសម្រេចរបស់តុលាការទាក់ទងនឹងសិទ្ធិចិញ្ចឹមកូន និងបានឈ្នះក្ដីពី Angelina Jolie ប្រាកដជាមានការភ្ញាក់ផ្អើលខ្លាំងពេញពិភពហូលីវូដស្រាប់ទៅហើយ ប៉ុន្តែពេលនេះព័ត៌មានពី Brad មានការភ្ញាក់ផ្អើលជាថ្មី ក្រោយពីអាស្រូវស្នេហាថ្មីផ្ទុះឡើង។
ថ្មីៗបណ្ដាញផ្សព្វផ្សាយព័ត៌មានបានឲ្យដឹងថា តារាសម្ដែងអាមេរិក Brad Pitt កំពុងចាប់ចិត្ត និងញ៉ែញ៉ងតារាចម្រៀងវ័យ៣៦ឆ្នាំម្នាក់ អាយុក្មេងជាងលោកដល់ទៅ២១ឆ្នាំ។Andrea Day
ផ្អែកតាមការចេញផ្សាយរបស់វិបសាយ Mirror កាលពីចូលរួមកម្មវិធីប្រគល់ពានរង្វាន់អូស្ការ កាលពីខែមេសា តារាប្រុសវ័យ ៥៧ឆ្នាំរូបនេះ បានផ្ដោះផ្ដងសម្ដីជាមួយនឹងតារាចម្រៀង Andrea Day នៅក្រោយឆាក ហើយអ្នកទាំង ២ថែមទាំងឲ្យលេខទូរសព្ទគ្នាទៀត។
ស្របពេលនេះ Brad ក៏បានឈ្នះក្ដីពីការលែងលះជាមួយនឹងស្នេហាចាស់ ដូចនេះមហាជនភាគច្រើនក៏ជឿដែរថា លោកត្រៀមខ្លួនរួចហើយសម្រាប់បើកបេះដូងស្វាគមន៍ម្ចាស់បេះដូងថ្មី។Brad
ទោះជាធ្លាយចេញព័ត៌មានគ្រប់ទិសបែបនេះក្ដី រឿងរ៉ាវពីក្រោយច្បាស់ការណ៍យ៉ាងណានោះ នៅមិនទាន់មានការបញ្ជាក់ពីសាមីខ្លួននោះទេ មានតែរង់ចាំជាបន្ត៕
ប្រភព៖ sabay
