ចិន ៖ ឧស្សាហកម្មកម្សាន្តចិន នៅតែបន្តលាតត្រដាងព័ត៌មាន ដ៏គួរឲ្យភ្ញាក់ផ្អើល បន្ថែមទៀត ជាមួយនឹង ឆ្នាំ២០២១ ជិតបញ្ចប់ ដោយអ្នកសិល្បៈចុងក្រោយគេ ដែលជាប់ក្នុងរឿងអាស្រូវ គឺតារាចម្រៀង ដ៏មានប្រជាប្រិយភាព នាង Meng Meiqi ពីមុនជាសមាជិកក្រុមចម្រៀងនារី Rocket Girls 101យោងតាមការចេញ ផ្សាយពីគេហទំព័រចិន ។
កាលពីថ្ងៃទី២៥ ខែតុលា រូបថតអេក្រង់ នៃការសន្ទនារបស់នាង Meng Meiqi ជាមួយផលិតករតន្ត្រី លោក Chen Lingtao បានលេចចេញ មកនាំ ឲ្យមានការសង្ស័យថា លោកបានបង្ហាញ អតីតមិត្តស្រី របស់លោកជាមួយតារា ចម្រៀងវ័យ២៣ ឆ្នាំ ។
អតីតមិត្តស្រីរបស់ លោក Chen Lingtao បានបង្ហោះរូបថតអេក្រង់ នៅលើគណនី Weibo របស់នាង ហើយចាប់ផ្តើម ការបង្ហោះដោយពាក្យថា នឹងមិនមានខួបលើកទី៤ ទេនៅក្នុងរូបថតអេក្រង់ Meng Meiqi និង Chen Lingtao បានផ្លាស់ប្តូរគ្នាយ៉ាង ស្និទ្ធស្នាល និងបង្ហាញថា អ្នកទាំង២ បានចំណាយពេលជាច្រើន យប់ជាមួយគ្នានៅសណ្ឋាគារ មួយពេលវិស្សមកាល ។
រូបថតអេក្រង់មួយទៀត លោក Chen Lingtao កំពុងប្រឈមមុខ នឹងមិត្តស្រីរបស់លោក ដែលបានសួរថា តើលោកកំពុងមានទំនាក់ទំនង ស្នេហាជាផ្លូវការ ជាមួយ នាង Meng Meiqi ដែរឬទេ ។ ក្នុងកិច្ចសន្ទនានោះ តន្ត្រីកររូបនេះបានបញ្ជាក់យ៉ាងចំហ អំពីស្ថានភាពទំនាក់ទំនង របស់លោកជាមួយនឹង Meng Meiqi ។
ក្នុងរយៈពេលត្រឹមតែប៉ុន្មានម៉ោងប៉ុណ្ណោះ នាង Meng Meiqi បានបាត់បង់ អ្នកគាំទ្រជាង ១០,០០០ នាក់ ហើយការយល់ព្រម ដែលមានស្រាប់របស់នាងចង់ បោះបង់ភាពជាដៃគូ របស់ពួកគេ ៕ ដោយ៖លី ភីលីព
