អាមេរិក៖ តារាចម្រៀងអាមេរិក ម៉ាដូណា បាននិយាយថា Instagram បានលុបរូបថតបង្ហាញក្បាលសុដន់របស់នាង ដោយមិនមានការព្រមាន ឬជូនដំណឹង បន្ទាប់ពីចែករម្លែករូបភាព កាលពីដើមសប្តាហ៍នេះ ដោយនាងយល់ឃើញថា យើងរស់នៅក្នុងវប្បធម៌មួយ ដែលធ្វើឲ្យគ្រប់អ៊ីញនៃរាងកាយរបស់មនុស្សស្រី បង្ហាញបានលើកលែងតែក្បាលសុដន់ យោងតាមការចេញផ្សាយពីគេហទំព័រស្គាយញ៉ូវ។
ម៉ាដូណាចេញមុខបង្ហោះលើ Instagram ថា បានថតរូបភាពបង្កហេតុដែលក្បាលសុដនរបស់នាង ត្រូវបានលាតត្រដាង។ តារាវ័យ ៦៣ ឆ្នាំរូបនេះបានចែករម្លែករូបភាពជាច្រើនសន្លឹករបស់នាង នៅលើ និងក្រោមគ្រែ ពាក់អាវទ្រនាប់កាត់ចេញ ខោខ្លីសំណាញ់ និងស្បែកជើងកែងខ្ពស់ ធ្វើឲ្យមានការចាប់អារម្មណ៍ខ្លាំង កាលពីដើមសប្តាហ៍នេះ។
ដោយចែករម្លែករូបភាពជាមួយនឹងរូប emojis មួយចំនួនបានដាក់យ៉ាងល្អ កាលពីថ្ងៃព្រហស្បតិ៍ ម៉ាដូណាបាននិយាយថា ដើមត្រូវបានដកចេញដោយគ្មានការព្រមាន ឬជូនដំណឹង ហើយ Instagram បានប្រាប់អ្នកគ្រប់គ្រងរបស់នាងថា វាគឺដោយសារតែផ្នែកតូចមួយ នៃក្បាលសុដន់របស់តារាត្រូវបានលាតត្រដាង។
យោងតាមគោលការណ៍ណែនាំ សហគមន៍របស់ Instagram ពីការអាក្រាតកាយត្រូវបានហាមឃាត់ ប៉ុន្តែមានករណីលើកលែង សម្រាប់រូបថតសម្រាប់ហេតុផលសុខភាព ដូចជាស្លាកស្នាមក្រោយពេលវះកាត់ និងស្ត្រីបំបៅដោះកូន ចំណែកអាក្រាតកាយនៅក្នុងរូបថតគំនូរ និងរូបចម្លាក់ក៏ត្រូវបានអនុញ្ញាតផងដែរ៕ ដោយ៖លី ភីលីព
