កូរ៉េ៖ បើយោងតាមចេញផ្សាយផ្លូវការ របស់គេហទំព័រកម្សាន្តកូរ៉េខាងត្បូង Allkpop បានប្រាប់ឲ្យដឹងថា ក្រុមតារាចម្រៀងស្រីកូរ៉េខាងត្បូង Momoland និង Natti Natasha បានបង្ហាញរូបភាព ទទួលការចាប់អារម្មណ៍យ៉ាងខ្លាំង ពីអ្នកាំទ្រតាមប្រព័ន្ធអ៊ីនធើណេត ក្នុងវីដេអូចម្រៀងសម្រាប់បទ “Yummy Yummy Love”។
កាលថ្ងៃទី ១១ ខែមករា Momoland បានបង្ហាញវីដេអូចម្រៀងដំបូង សម្រាប់បទចម្រៀងថ្មីរបស់ពួកគេ “Yummy Yummy Love” ដោយសហការជាមួយ តារាចម្រៀង-អ្នកនិពន្ធបទចម្រៀង Natti Natasha ។ វីដេអូ Teaser សមាជិក Momoland និង Natti Natasha បានថតពេលឈរក្រោមពន្លឺភ្លើងឆាក ហើយញញឹមដូចជាស្វាគមន៍អ្នកគាំទ្រ មកកាន់កម្មវិធីរបស់ពួកគេ។
ជាមួយនឹងឈុតឆាកល្អឥតខ្ចោះៗ និងគ្រឿងអលង្ការ Momoland និង Natti Natasha បានប្រមូលផ្តុំនូវក្តីរំភើប សម្រាប់ការសហការពិសេសរបស់ពួកគេ។ បទចម្រៀងទោលរបស់ពួកគេ “Yummy Yummy Love” នឹងត្រូវបានចេញផ្សាយ តាមរយៈវេទិកាតន្ត្រីផ្សេងៗនៅថ្ងៃទី ១៤ ខែមករា វេលាម៉ោង ១0 ព្រឹក ។ ទស្សនាវីដេអូចម្រៀងរបស់ Momoland និង Natti Natasha ៕ ដោយ៖លី ភីលីព
