កូរ៉េ៖បើយោងតាមចេញផ្សាយផ្លូវការរបស់គេហទំព័រកម្សាន្តកូរ៉េខាងត្បូង Allkpop បានប្រាប់ឲ្យដឹងថា នៅថ្ងៃទី ៩ ខែកុម្ភៈ ទីភ្នាក់ងារគ្រប់គ្រងរបស់ Epik High OURS បានបញ្ជាក់ថា សមាជិក Tablo បានធ្វើតេស្តិ៍វិជ្ជមានមេរោគ COVID-19។
ទីភ្នាក់ងារនេះបានបញ្ជាក់នៅថ្ងៃនេះថា សមាជិក Epik High Tablo បានធ្វើតេស្តិ៍វិជ្ជមាន COVID-19 គិតត្រឹមថ្ងៃទី ៩ ខែកុម្ភៈ។ Tablo ត្រូវបានចាក់វ៉ាក់សាំងទាំងស្រុងជាមួយនឹងកម្រិតថ្នាំរំឭកលើកទី៣ របស់ើផលនៅពេលធ្វើតេស្តិ៍។
OURS បានបន្ថែមថា “Tablo បានទទួលការធ្វើតេស្ត COVID-19 ត្រឡប់មកវិញនៅថ្ងៃទី ៣ ខែកុម្ភៈ បន្ទាប់ពីមានរោគសញ្ញាតិចតួច ហើយនៅថ្ងៃទី ៤ ខែកុម្ភៈ លទ្ធផលរបស់លោកត្រឡប់មកវិញអវិជ្ជមាន។ ទោះជាយ៉ាងណាក៏ដោយ នៅថ្ងៃទី ៨ ខែកុម្ភៈ លោកបានជ្រើសរើសធ្វើតេស្តិ៍ PCR មួយផ្សេងទៀតសម្រាប់ការប្រុងប្រយ័ត្នបន្ថែម និងជា ថ្ងៃទី ៩ ខែកុម្ភៈគាត់បានធ្វើតេស្តិ៍វិជ្ជមាន។ បច្ចុប្បន្ននេះ Tablo មានរោគសញ្ញាតិចតួចប៉ុណ្ណោះ ហើយលោកកំពុងរង់ចាំការណែនាំបន្ថែមពីអាជ្ញាធរថែទាំសុខភាព”។
រហូតមកដល់ពេលនេះ សមាជិក Epik High ផ្សេងទៀត ក៏ដូចជាបុគ្គលិកក្នុងក្រុមបានធ្វើតេស្តអវិជ្ជមានសម្រាប់ COVID-19។ ជាលទ្ធផល Epik High នឹងត្រូវលុបចោលសកម្មភាពនាពេលខាងមុខរបស់ពួកគេរហូតដល់ Tablo ត្រូវបានជម្រះពីមេរោគ។ ទោះជាយ៉ាងណាក៏ដោយ ‘Epik High Is Here 下’ របស់ Epik High នឹងត្រូវបានចេញផ្សាយតាមកាលវិភាគនៅថ្ងៃទី ១៤ ខែកុម្ភៈ៕
ដោយ៖លី ភីលីព
