កូរ៉េ៖ បើយោងតាមចេញផ្សាយផ្លូវការ របស់គេហទំព័រកម្សាន្តកូរ៉េខាងត្បូង Allkpop បានប្រាប់ឲ្យដឹងថា រូបថតអាពាហ៍ពិពាហ៍ជាច្រើនទៀតរបស់គូស្នេហ៍ដ៏ស្រស់ស្អាតនាង Park Shin Hye និងលោក Choi Tae Joon ត្រូវបានចេញផ្សាយជាផ្លូវការ ជូនអ្នកគាំទ្រ និងទស្សនិកជន។
កាលថ្ងៃទី ១៨ ខែកុម្ភៈ ក្រុមហ៊ុនរៀបចំអាពាហ៍ពិពាហ៍ Laciel ដែលរៀបចំពិធីមង្គលការ របស់តារាល្បីទាំង២បានបញ្ចេញរូបថតជាច្រើនសន្លឹក របស់គូស្នេហ៍ដ៏គួរឲ្យភ្ញាក់ផ្អើល។ ទីភ្នាក់ងារនេះបានបញ្ចេញរូបថត ជាមួយនឹងចំណងជើងថា គូស្នេហ៍ដ៏គួរឲ្យស្រឡាញ់ ហើយថ្ងៃនេះជាថ្ងៃខួបកំណើតរបស់ Park Shin Hye សង្ឃឹមថា អ្នកមានថ្ងៃរីករាយ យើងតែងតែនឹកអ្នក ហើយបានបន្សល់ទុកសារអបអរសាទរដល់តារាស្រីរូបនេះ។
នៅក្នុងរូបថតដែលបានចេញផ្សាយនេះ Park Shin Hye និង Choi Tae Joon មើលទៅគួរឲ្យភ្ញាក់ផ្អើល និងមើលទៅដូចរាជវង្សនៅក្នុងរូបភាព។ អ្នកទាំង២បានបង្ហាញក្តីស្រឡាញ់ ចំពោះគ្នាទៅវិញទៅមកក្នុងរូបថតអាពាហ៍ពិពាហ៍ ដ៏គួរឲ្យស្រលាញ់។
ទន្ទឹមនឹងនេះ Park Shin Hye និង Choi Tae Joon បានប្រកាសពីអាពាហ៍ពិពាហ៍របស់ពួកគេ និងដំណឹងនៃការមានផ្ទៃពោះរបស់ Park Shin Hye កាលពីឆ្នាំមុនកាលខែវិច្ឆិកា បន្ទាប់មកអ្នកទាំង២បានភ្ជាប់ពាក្យនឹងគ្នា កាលពីខែមុននៅទីតាំងមិនបញ្ចេញឈ្មោះ ក្នុងទីក្រុងសេអ៊ូល៕ ដោយ៖លី ភីលីព
