កូរ៉េ៖ បើយោងតាមចេញផ្សាយផ្លូវការរបស់គេហទំព័រកម្សាន្តកូរ៉េខាងត្បូង Allkpop បានប្រាប់ឲ្យដឹងថា កាលពីថ្ងៃទី ៩ខែមីនា តារាសម្តែងស្រី Song Hye Kyo រូបនេះបានបង្ហោះរូបភាព២សន្លឹក តាមរយៈគណនីបណ្តាញផ្សព្វផ្សាយសង្គមយក្សអាមេរិក Instagram ផ្ទាល់ខ្លួនរបស់នាង ដោយនាងបង្អួតសម្រស់ដ៏ឆើតឆាយ និងមិនគួរឲ្យជឿរបស់នាង។
នៅក្នុងរូបថតដែលបានផ្សព្វផ្សាយ នាង Song Hye Kyo បង្ហាញពីភាពអស្ចារ្យរបស់នាង ខណៈនាងកំពុងថតផ្សាយពាណិជ្ជកម្មម៉ាកយីហោ។ នាងបញ្ចេញសម្រស់ដ៏ឡូយ តែគ្មានកំហុស។ មន្តស្នេហ៍របស់នាងត្រូវបានបន្ថែម ដើម្បីបង្ហាញពីភាពទាក់ទាញរបស់នាង។ ជាពិសេស នាង Song Hye Kyo បានទាក់ទាញចំណាប់អារម្មណ៍អ្នកគាំទ្ររបស់នាង ដោយបង្ហាញពីភាពឆើតឆាយ និងវត្តមានរបស់នាងដូចម្ចាស់ក្សត្រី នៅក្នុងរ៉ូបពណ៌ខ្មៅសាមញ្ញ។
ទន្ទឹមនឹងនេះ Song Hye Kyo បានបរិច្ចាគប្រាក់ចំនួន ១00 លានវ៉ុន (៨១ពាន់ដុល្លារអាមេរិក) ដល់កាកបាទក្រហមកូរ៉េ សម្រាប់ជំនួយសង្គ្រោះបន្ទាន់សម្រាប់ជនរងគ្រោះដោយភ្លើងឆេះព្រៃនៅ Gangwon និង Gyeongsangbuk-do ។ Song Hye Kyo បច្ចុប្បន្នកំពុងថតរឿង ‘The Glory’ ដែលនិពន្ធដោយ Kim Eun Sook ដ៏ល្បីល្បាញ៕
ដោយ៖លី ភីលីព
