កូរ៉េ ៖ បើយោងតាមចេញផ្សាយផ្លូវការ របស់គេហទំព័រកម្សាន្តកូរ៉េខាងត្បូង Allkpop បានប្រាប់ឲ្យដឹងថា អ្នកនិយមលេងអ៊ីនធើណេត ចង់ឃើញតារា ‘A Business Proposal’ នាង Kim Se Jung ត្រឡប់មកអាជីពដើមវិញ ក្នុងនាមជាតារាចម្រៀង និងជា Idol ឆាប់ៗនេះ បន្ទាប់ពីនាងបាត់មុខ ពីប្រភពសិល្បៈកូរ៉េខាងត្បូង មួយរយៈពេល ។
កាលពីថ្ងៃទី ២៣ ខែមីនា អ្នក និយមលេងអ៊ីនធើណេតម្នាក់ បានចូលទៅក្នុងវេទិកា សហគមន៍អនឡាញ ហើយបានបង្កើតការ បង្ហោះមួយមានចំណង ជើងថា តើខ្ញុំជាមនុស្សតែម្នាក់ ដែលមានការត្អូញត្អែរ អំពី Kim Se Jung មែនទេ? ។ នៅទីនេះ អ្នកនិយមលេងអ៊ីនធើណេតបានសរសេរថា នាងបានបង្ហាញខ្លួនជា idol ប៉ុន្តែនាងកាន់តែល្បីល្បាញ ដោយសារការសម្ដែងរបស់នាង ខ្ញុំចង់ឃើញអ្វីដែលថ្មីៗពី Kim Se Jung ដូចជាពីការសម្តែងរបស់ IOI ខ្ញុំចង់ឲ្យនាងចេញបទរាំជំនួសវិញ ។
សំឡេងច្រៀងរបស់នាង ពិរោះណាស់ នាងក៏ចេះរាំដែរ ។ នាងក៏អាចសម្ដែងបានដែរ ប៉ុន្តែសូមចេញអាល់ប៊ុម មួយសិន ប្រសិនបើអាល់ប៊ុមពិបាក សូមចេញយ៉ាងហោចណាស់មួយបទ ៕ដោយ៖លី ភីលីព
