យោងតាមរបាយការណ៍ របស់ប្រព័ន្ធផ្សព្វផ្សាយ កាលពីថ្ងៃទី ២០ ខែកក្កដាថា តារាសម្តែង Nam Goong Min និងតារាសម្តែង Ahn Eun Jin របស់ប្រទេសកូរ៉េខាងត្បូង កំពុងពិភាក្សាគ្នា ដើម្បីសម្តែងក្នុងរឿងភាគ ស្នេហាប្រវត្តិសាស្ត្រថ្មីមួយ របស់ MBC ដែលមានចំណងជើងថា ‘Lover’ បើយោងតាមចេញផ្សាយផ្លូវការ របស់គេហទំព័រកម្សាន្តកូរ៉េខាងត្បូង Allkpop ។
រឿងនេះនិពន្ធដោយ Hwang Jin Young នៃរឿង ‘The Rebel: The Thief Who Stole People’ និងដឹកនាំដោយ Kim Sung Yong នៃ ‘The Veil’, ‘Lover’ ប្រាប់ពីរឿងរ៉ាវរបស់បុរសសម័យ Joseon បានបរាជ័យ ក្នុងអាពាហ៍ពិពាហ៍២ដង ហើយប្រកាសថា លោកនឹងមិនធ្លាក់ក្នុងអន្លង់ស្នេហ៍ម្តងទៀត។ យ៉ាងណាក៏ដោយ មិនយូរប៉ុន្មានលោកបានជួប នារីវ័យក្មេងម្នាក់ ដែលស្រមៃចង់លង់ស្នេហ៍ នឹងមិត្តរួមព្រលឹង ។
ប្រសិនបើសម្តែងជាតួឯកប្រុសក្នុងរឿង ‘Love’ នោះ Nam Goong Min នឹងត្រលប់មកជួប Kim Sung Yong PD នៃរឿង ‘The Veil’ ។ Nam Goong Min ធ្លាប់ទទួលបានពានរង្វាន់ ‘Daesang’ នៅឯកម្មវិធី ‘MBC Drama Awards’ កាលពីឆ្នាំមុនសម្រាប់ការសម្តែង ដ៏ល្អរបស់លោកក្នុងរឿង ‘The Veil’ ។
តារាសម្ដែង Ahn Eun Jin ត្រូវបានគេស្គាល់ថា ជាតួឯកក្នុងរឿង ‘Hospital Playlist’ របស់ ទូរទស្សន៍ tvN ត្រូវបានផ្តល់តួនាទី ជាតួឯកស្រីជាស្រីស្អាតវ័យ ក្មេងដែលចាប់ដៃគ្នារៀបការ ត្រូវបានអ្នកសើប ជាច្រើនចង់បាន ៕ ដោយ៖លី ភីលីព
