សេអ៊ូល ៖ បើយោងតាមចេញផ្សាយផ្លូវការ របស់គេហទំព័រកម្សាន្តកូរ៉េខាងត្បូង Allkpop បានប្រាប់ឲ្យដឹងថា សមាជិកក្រុម BLACKPINK បានរៀបចំព្រឹត្តិការណ៍ បង្ហាញអ្នកគាំទ្រក្រៅបណ្តាញនៅ IFC Mall ទីក្រុងសេអ៊ូល ដើម្បីផ្សព្វផ្សាយអាល់ប៊ុម ពេញទី ២ របស់ពួកគេ ‘BORN PINK’ ។
ព្រឹត្តិការណ៍នេះ ត្រូវបានប្រារព្ធឡើង ជាពិសេសសម្រាប់អ្នកគាំទ្រ ដែលបានទិញអាល់ប៊ុម និងត្រូវ បានជ្រើសរើស តាមរយៈប្រព័ន្ធឆ្នោត ធ្វើឲ្យពួកគេមិនត្រឹមតែ ចុះហត្ថលេខាលើអាល់ប៊ុម របស់ពួកគេប៉ុណ្ណោះទេ ប៉ុន្តែថែមទាំងនិយាយ ទៅកាន់ក្រុមដោយផ្ទាល់ផងដែរ ។
បន្ទាប់ពី Fansign បានបញ្ចប់ អ្នកគាំទ្រម្នាក់បានចូលបណ្តាញសង្គម ដើម្បីចែករម្លែកបទពិសោធន៍ របស់ពួកគេ ដោយនិយាយថា ពួកគេបានបញ្ចប់ការ សន្ទនាជាមួយនាង Jennie ដោយប្រាប់នាងថា ធ្វើអ្វីក៏ដោយ អ្នកគាំទ្ររបស់នាងនឹងនៅក្បែរនាង និងលើកទឹកចិត្តនាង។ អ្នកគាំទ្ររូបនេះបន្តថា ខ្ញុំបានប្រាប់នាងឲ្យមើលទៅមុខជានិច្ច ហើយបន្តធ្វើអ្វីៗតាមផ្លូវនាង Jennie ។
អ្នកគាំទ្របន្តថា នាង Jennie បានឆ្លើយតបថា “កុំធ្វើឲ្យខ្ញុំយំ!”។ ចាប់ពីពេលនោះមក ខ្ញុំមានអារម្មណ៍រំជើបរំជួលយ៉ាងខ្លាំង ដែលខ្ញុំមិនអាចនិយាយអ្វីបាន ហើយគ្រាន់តែបន្តនិយាយថា ‘Fighting’ ទៅកាន់ Jennie ពួកគេបន្ត។
អ្នកគាំទ្របានចែករម្លែកវីដេអូនាពេលនេះនៅលើ Twitter ដោយបង្ហាញនាង Jennie ងក់ក្បាលគ្រប់ពាក្យដែលអ្នកគាំទ្របាននិយាយ និងរក្សាការសម្លឹងមើលមុន នឹងឈប់សើច ហើយញញឹមដោយនិយាយថា “កុំធ្វើឱ្យខ្ញុំយំ!” ដោយទប់ទឹកភ្នែកមិនបាន នាងបានសម្តែងការដឹងគុណ ដោយការទះដៃស្រាលៗ ៕
