កូរ៉េ៖ បើយោងតាមចេញផ្សាយផ្លូវការ របស់គេហទំព័រកម្សាន្តកូរ៉េខាងត្បូង Allkpop បានប្រាប់ឲ្យដឹងថា នាង Rose សមាជិកក្រុមតារាចម្រៀងស្រីកូរ៉េខាងត្បូង BLACKPINK បានចូលរួមក្នុងព្រឹត្តិការណ៍នេះ ហើយទទួលបានការទាក់ទាញ អ្នកគ្រប់គ្នាជាមួយនឹងសម្រស់របស់នាង។
ជាពិសេសនាងបានក្លាយជាតួឯក នៃភាពឆើតឆាយនៅក្នុងសម្លៀកបំពាក់ ពណ៌ប្រាក់សម្រាប់រដូវស្លឹកឈើជ្រុះឆ្នាំ ២០២២ របស់ Saint Laurent ។ សម្រស់ដ៏ស្រស់សោភា និងឆើតឆាយរបស់នាង បានធ្វើឲ្យគ្រប់គ្នាស្រឡាំងកាំង នៅពេលនាងបញ្ចេញពន្លឺ នៅក្នុងសម្លៀកបំពាក់ពណ៌ប្រផេះ និងប្រាក់ ដែលនាងបានជ្រើសរើស ពីលើរូបរាងពណ៌ខ្មៅធម្មតា។
រ៉ូបជប់លៀងអាហារពេលល្ងាចពណ៌ប្រផេះ សមនឹងខ្លួនរបស់នាង Rose ដោយសង្កត់លើរាងស្ដើងរបស់នាង។
អ្នកគាំទ្របានចែករម្លែក រូបថតផ្សេងៗរបស់នាង Rose តាមរយៈប្រព័ន្ធផ្សព្វផ្សាយសង្គមផ្សេងៗ។ លើសពីនេះទៀត អ្នកនិយមលេងអ៊ីនធើណេត ក្នុងសហគមន៍អនឡាញដ៏ពេញនិយម មួយយករូបថតរបស់នាង Rose ត្រូវបានចែករម្លែក និងបញ្ចេញមតិអំពីភាព ឆើតឆាយរបស់នាងនៅយប់នេះ។
អ្នកនិយមលេងអ៊ីនធើណេត បានបញ្ចេញមតិថា នាងមិនដូចតារាទេ នាងស្អាត នាងដូចតារាម៉ូដែល ខ្ញុំគិតថា នាង Rose គឺលើសពីស្អាត ហើយឆើតឆាយណាស់ អូរ៉ារបស់នាងគឺប្រណិត ចំណែករាងកាយរបស់នាងគឺល្អឥតខ្ចោះ។ នាងពិតជាមានសម្រស់ ដ៏ស្រស់បំព្រងសម្រាប់នាង នាងខ្ពស់ និងស្លីមណាស់ នាងពិតជាដូចតារាម៉ូដែល ខ្ញុំមិនបានចាប់អារម្មណ៍ពីមុនទេ ប៉ុន្តែខ្សែស្មារបស់នាងគឺស្អាតណាស់ ៕
ដោយ៖ លី ភីលីព
