ជាកម្រ និងភ្ញាក់ផ្អើលសម្រាប់កំពូលតារាចម្រៀងអាមេរិក Selena Gomez បន្ទាប់ពីម្ដាយរបស់នាងថ្លែង ប្រាប់សារព័ត៌មានថាចំពោះខ្សែភាពយន្ដ ដែលកូនស្រីបានសម្ដែង អ្នកស្រីដាច់ខានមិនមើលនោះទេ ក្រោមហេតុផលច្បាស់លាស់មួយ។
លោកស្រី Mandy Teefey បានរៀបរាប់ថាសម្រាប់ភាពយន្ដ “My mind & Me” ដែលសម្ដែងដោយ Selena អ្នកស្រីមិនមើលនោះទេ ហេតុផលគឺដោយសារតែនៅក្នុងរឿងនេះ បានស្ដែងចេញពីរឿងពិត មួយចំនួនរបស់ Selena កាលដែលនាងបានតស៊ូប្រឆាំងជាមួយជំងឺ។ ពេលវេលាដ៏ឈឺចាប់របស់ selena ក៏ជាពេលវេលាឈឺចាប់របស់អ្នកស្រីដូចគ្នា ហើយ”My Mind & Me” អាចធ្វើឱ្យនាងមាន អារម្មណ៍ឈឺចាប់ នៅពេលដែលវាបង្ហាញពីពេលដែល Selena Gomez ប្រយុទ្ធប្រឆាំងនឹងជំងឺ។ ហេតុដូច្នេះហើយទើបអ្នកស្រី មិនមើលរឿងប្រភេទនេះដាច់ខាត។
អតីតតារាសម្តែងវ័យ ៤៦ ឆ្នាំរូបនេះបាននិយាយថា នាងមានអារម្មណ៍ភ័យខ្លាច នៅពេលដែល នាងបាន ឮ Selena កូនស្រីនិយាយអំពីការតស៊ូ របស់នាងចំពោះជំងឺ។ អ្នកស្រីពិតជាមិនចង់ឮ មិនចង់ឃើញ វាទេ ព្រោះគ្រប់ពេលអ្នកស្រីតែងតែខ្លាចកូនស្រីឈឺចាប់ដោយសារតែជំងឺទាំងនោះ៕ Source: Sabay
