Las Vegas ៖តារាចម្រៀងដ៏ល្បីល្បាញរបស់ចក្រភពអង់គ្លេស នាង Adele បានប្រកាសកាលពីថ្ងៃអាទិត្យថា នាងនឹងបន្តការស្នាក់នៅ Las Vegas របស់នាងជាមួយនឹង កាលបរិច្ឆេទចំនួន ៣៤ ថ្ងៃបន្ថែមទៀតនៅចន្លោះខែមិថុនាដល់ខែវិច្ឆិកា ហើយក៏មានគម្រោងនឹងចេញ ផ្សាយខ្សែភាពយន្ត និងប្រគុំតន្ត្រី យោងតាមការចេញផ្សាយ ពីគេហទំព័រជប៉ុនធូដេ ។
កម្មវិធីកាលពីយប់ថ្ងៃសៅរ៍គឺ ជាការសម្តែងចុងក្រោយសម្រាប់ស៊េរី “Weekends With Adele” របស់តារាចម្រៀងអង់គ្លេសដែលគ្របដណ្តប់ ៣៤ថ្ងៃតាមកាលបរិច្ឆេទចាប់តាំងពីខែវិច្ឆិកាឆ្នាំមុននៅលើ Las Vegas Strip ។ អ្នកតំណាងរបស់នាងបាននិយាយថា កម្មវិធីរបស់នាង Adele នឹងបន្តនៅ Colosseum នៅ Caesars Palace នៅថ្ងៃទី ១៦ ខែមិថុនា ហើយដំណើរការរហូតដល់ថ្ងៃទី ៤ ខែវិច្ឆិកា។
ការសម្តែងនៅខែមិថុនា នឹងត្រូវបានថត និងចេញផ្សាយជាការប្រគុំតន្ត្រីពិសេស។ កាសែត Las Vegas Review-Journal បានរាយការណ៍ថា នាង Adele បានបញ្ចប់ការរំពឹងទុក អំពីអនាគតរបស់នាងនៅឯ Colosseum ដោយប្រាប់ហ្វូងមនុស្សបានលក់អស់នៅយប់ថ្ងៃសៅរ៍ថា នាងនឹងត្រលប់មកវិញ ក្នុងខែមិថុនា ហើយនិយាយអំពីខ្សែភាពយន្តប្រគុំតន្ត្រីនេះ កាសែត Las Vegas Review-Journal បានរាយការណ៍។
នាង Adele បាននិយាយថា ការលេងឲ្យមនុស្ស ៤០០០ នាក់សម្រាប់ ៣៤ថ្ងៃតាមកាលបរិច្ឆេទគឺមិនគ្រប់គ្រាន់ទេ ដូច្នេះខ្ញុំនឹងត្រឡប់មកវិញ២ ឬ៣សប្តាហ៍ក្នុងខែមិថុនា ហើយខ្ញុំនឹងចេញផ្សាយវា ដើម្បីប្រាកដថាអ្នកណាដែលចង់មើលកម្មវិធីនេះអាចមើលវាបាន៕
ដោយ៖លី ភីលីព
