សេអ៊ូល៖ តុលាការក្រុងសេអ៊ូល របស់កូរ៉េខាងត្បូង បានបើកសវនាការដំបូងនៅថ្ងៃពុធលើបណ្តឹងទាមទារសំណងដោយជនរងគ្រោះជនជាតិកូរ៉េពីទាសភាពផ្លូវភេទសម័យសង្គ្រាមរបស់ជប៉ុន នេះបេីយោងតាមការចុះផ្សាយរបស់ទីភ្នាក់ងារសារព័ត៌មាន យុនហាប់។
ការផ្លាស់ប្តូរនេះកើតឡើងក្នុងរយៈពេល ៣ ឆ្នាំបន្ទាប់ពីដើមបណ្តឹង ២០ នាក់រួមទាំងជនរងគ្រោះនិងសមាជិកគ្រួសារជនរងគ្រោះ ដែលបានស្លាប់បានដាក់ពាក្យបណ្តឹងប្រឆាំងនឹងរដ្ឋាភិបាលជប៉ុនទៅតុលាការក្រុងសេអ៊ូលកាលពីខែធ្នូ ឆ្នាំ ២០១៦។ ពួកគេបានទាមទារសំណងហិរញ្ញវត្ថុចំនួន ២០០ លានវ៉ុន (១៧១,៣២០ ដុល្លារអាមេរិក) សម្រាប់មនុស្សម្នាក់ ។
ការកាត់ក្តីនេះបានជាប់គាំងរហូតមកដល់ពេលថ្មីៗនេះនៅពេលដែលទីក្រុងតូក្យូ បានប្រគល់សេចក្តីជូនដំណឹងជាលាយលក្ខណ៍អក្សររបស់តុលាការក្រុងសេអ៊ូល ស្តីពីបណ្តឹងនេះដោយពន្យារពេលនីតិវិធីបន្ថែមទៀត។ ទោះយ៉ាងណាតុលាការបានចាប់ផ្តើមនីតិវិធីច្បាប់ ដែលសន្មតថាឯកសារត្រូវបានប្រគល់ជូនជនជាប់ចោទប្រសិនបើចុងចោទនៅតែបន្តបដិសេធមិនទទួលយកវា ដោយមានប្រសិទ្ធិភាពធ្វើឱ្យការជំនុំជម្រះក្តីចាប់ផ្តើម៕ដោយ ឈូក បូរ៉ា
