ប៉េកាំង៖ ប្រទេសចិនកាលពីថ្ងៃសុក្រ បានជំរុញឱ្យសហរដ្ឋអាមេរិក បោះបង់ចោលនូវសតិអារម្មណ៍ និងគំនិតខាងខាងមនោគម វិជ្ជានៃសង្គ្រាមត្រជាក់របស់ខ្លួន ហើយពិនិត្យមើល ទៅលើទំនាក់ទំនងរវាងចិន – សហរដ្ឋអាមេរិក តាមគោលបំណង និងវិធីដែលសមហេតុផល។
យោងតាមទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃទី២៣ ខែឧសភា ឆ្នាំ២០២០ បានឱ្យដឹងដោយផ្អែក តាមការលើកឡើងរបស់លោក លោក Zhao Lijian អ្នកនាំពាក្យក្រសួងការបរទេសចិនថា សហរដ្ឋអាមេរិក ត្រូវតែបញ្ឈប់ការជ្រៀតជ្រែក ចូលកិច្ចការផ្ទៃក្នុង របស់ចិនជាបន្ទាន់ ដែលធ្វើឱ្យប៉ះពាល់ ដល់ផលប្រយោជន៍ចិន ឬបំផ្លាញដល់ទំនាក់ទំនងរវាងចិន – អាមេរិក។
លោក Zhao បានធ្វើការកត់សម្គាល់នេះ នៅក្នុងសន្និសីទសារព័ត៌មាន ដើម្បីឆ្លើយតបទៅនឹង របាយការណ៍យុទ្ធសាស្ត្រចិនថ្មីមួយ ដោយរដ្ឋបាល លោក ត្រាំ ដែលត្រូវបានប្រគល់ ទៅឱ្យសភាសហរដ្ឋអាមេរិក កាលពីពេលថ្មីៗនេះ។
លោក Zhao បានបន្ថែមថា របាយការណ៍យុទ្ធសាស្ត្រថ្មី គឺដូចគ្នានឹងរបាយការណ៍ យុទ្ធសាស្ត្រសន្តិសុខជាតិ របស់សហរដ្ឋអាមេរិក ដែលបានចេញផ្សាយក្នុងឆ្នាំ ២០១៧ ដោយកត់សម្គាល់ថា វាបានបង្ខូចទ្រង់ទ្រាយ ដោយចេតនានូវប្រព័ន្ធនយោបាយ និងចេតនាយុទ្ធសាស្ត្រ របស់ប្រទេសចិន និងលើកយកអ្វីដែលគេហៅថា“ ការគំរាមកំហែងរបស់ចិន” ជាលេសមួយ ត្រេកត្រអាល បន្តគោលនយោបាយតឹងរឹង គ្រប់រូបភាពប្រឆាំងនឹងចិន៕
ប្រែសម្រួលៈ ណៃ តុលា
