អាមេរិក៖ ត្រីបាឡែនជាប្រភេទ សត្វឃាតករសមុទ្រអំបូល An orca មានឈ្មោះថា Tahlequah បានទាកទាញអារម្មណ៍ របស់មនុស្សនៅជុំវិញពិភពលោក កាលឆ្នាំ២០១៨ ដោយនាងបានដឹកកូន ដែលងាប់របស់នាង អស់រយៈពេល ១៧ ថ្ងៃជាមួយការផ្តល់កំណើតដល់កូនថ្មីមួយទៀត ដែលមានសុខភាព ល្អកាលពីសប្តាហ៍មុននេះបើយោងតាមការចេញផ្សាយពីគេហទំព័រឌៀលីម៉ែល។
ក្រុមអ្នកស្រាវជ្រាវបាននិយាយថា Orca មានអាយុ ២១ ឆ្នាំ ឬ“ ឃាតករបាឡែន” បានផ្តល់កំណើតនៅថ្ងៃទី៤ ខែកញ្ញាដល់កូនថ្មីរបស់នាង ដែលមានឈ្មោះថា“ J57” ដោយអ្នកស្រាវជ្រាវនៅភាគខាងកើត Strait នៃ Juan de Fuca ក្នុងដែនទឹកសហរដ្ឋអាមេរិក។ យោងតាមមជ្ឈមណ្ឌលស្រាវជ្រាវត្រីបាឡែន Tahlequah និងកូនថ្មីរបស់នាងហាក់ដូចជាមានសុខភាពល្អ ដោយទារកកំពុងហែលទឹក ដោយកម្លាំងនៅក្បែរម្តាយរបស់វា។
Tahlequah បានផ្តល់កំណើតកូនមួយក្បាលាកលឆ្នាំ ២០១០ ដែលនៅរស់រហូតមកដល់សព្វថ្ងៃនេះមានឈ្មោះថា ‘J47’ ត្រូវបានគេស្គាល់ថា “Notch” ប៉ុន្តែនាងក៏បានរំលូតកូនមួយនៅពាក់កណ្តាលឆ្នាំ ២០១០ មុនពេលបាត់បង់កូនផ្សេងកាលឆ្នាំ ២០១៨ បន្ទាប់ពីកំណើត ចំណែកអ្នកជំនាញបារម្ភថា នាងទំនងជានឹងបាត់បង់កូនថ្មីមួយទៀត៕ ដោយ៖លី ភីលីព
