បន្ទាប់ពីក្រុមហ៊ុន Toyota បានបញ្ចេញរថយន្តអគ្គិសនីទីមួយរបស់ខ្លួនម៉ូដែល bZ4X ជាផ្លូវការកាលពីខែវិច្ឆិកាកន្លងទៅ ឥឡូវក៏បានបញ្ចេញតម្លៃរថយន្តនេះផងដែរ សម្រាប់ទីផ្សារក្នុងប្រទេសអង់គ្លេស។
តម្លៃនៃរថយន្តនេះ ខុសគ្នាទៅតាម option រួមមាន៖
-Toyota bZ4X Pure ប៉ុង១ តម្លៃ ៥៥ ៦០០ដុល្លារ។ វាបំពាក់កង់ alloy ទំហំ ១៨អ៊ីញ, ប្រព័ន្ធកម្សាន្ត Touchscreen ទំហំ ៨អ៊ីញ, កុងទ័រឌីជីថល ៧អ៊ីញ, កាមេរ៉ារឺយែរ និងប្រព័ន្ធម៉ាស៊ីនត្រជាក់ដែលអាចបញ្ជាពីចម្ងាយ។
-Toyota bZ4X Motion ប៉ុង១ តម្លៃ ៦០ ៦៣២ដុល្លារ និងប៉ុង២ តម្លៃ ៦៤ ០៧៨ដុល្លារ។ វាមានបន្ថែម spoiler ខាងក្រោយ, កញ្ចក់ privacy ខាងក្រោយ, បើកគូទអូតូដោយគ្រាន់តែចុចតេលេ, សេនស័រចូលចត, កម្តៅពូកខាងមុខ និងឆ្នាំងសាកឥតខ្សែ។ វាក៏មានដំបូលប៉ាណូរ៉ាមិច និងបំពាក់ប្រព័ន្ធជំនួយអ្នកបើកបរ។
-Toyota bZ4X Vision ប៉ុង១ តម្លៃ ៦៣ ១៥០ដុល្លារ និងប៉ុង២ ៦៦ ៦០០ដុល្លារ។ វាមកជាមួយកង់ ២០អ៊ីញ, សេនស័ររឺយែរចូលចតជាមួយមុខងារហ្វ្រាំងស្វ័យប្រវត្តិ, មុខងារជំនួយចូលចតដោយបញ្ជាពីចម្ងាយ, ពូកស្បែក (synthetic leather seat), កម្តៅពូក, កម្តៅដៃចង្កូត, សោឌីជីថល និងបើកគូទអូតូដោយគ្រាន់តែគ្រវីជើង។
-Toyota bZ4X Premiere Edition ប៉ុង២ តម្លៃ ៦៨ ៣១៩ដុល្លារ។ វាបន្ថែមនូវប្រព័ន្ធសំឡេង speaker JBL ៩គ្រាប់។
Toyota បានឱ្យដឹងថា រថយន្ត bZ4X គ្រប់ option គឺពេលសាកភ្លើងពេញម្តង បើកបានចម្ងាយ ៤៥០គីឡូម៉ែត្រ។ សម្រាប់ប៉ុង១ វាផលិតបានកម្លាំង ២០១សេះ និងកម្លាំងរមួល ២៦៥ញ៊ូវតុនម៉ែត្រ ឯប៉ុង២ ផលិតបានកម្លាំង ២១៥សេះ និងកម្លាំងរមួល ៣៣៦ញ៊ូវតុនម៉ែត្រ៕
ចង់បានរថយន្តថ្មី ប៉ុន្តែមិនមានប្រាក់គ្រប់គ្រាន់ សូមកុំបារម្ភ! លោកអ្នកអាចស្នើសុំឥណទាន រថយន្តរបស់ធនគារ CIMB ដែលផ្តល់ជូនអត្រាការប្រាក់ពិសេស ៨,៥% ទំហំឥណទានដល់ ៧០% និងរយៈពេលឥណទានដល់ ៥ឆ្នាំទៀតផង។ សម្រាប់ព័ត៌មានលម្អិតសូមជជែកជាមួយមន្ត្រីឥណទានរថយន្តរបស់ធនាគារ CIMB ដោយផ្ទាល់ តាមរយៈលេខទូរសព្ទ 096 669 2222 / 092 667 375 ៕
