នាយកដ្ឋានពន្លត់អគ្គីភ័យទីក្រុងញូវយ៉ក បង្ហាញពីក្រុមចុងក្រោយនៃសត្វឆ្កែ មនុស្សយន្តជាបុគ្គលិកថ្មី របស់ខ្លួន

ញូវយ៉ក៖យោងតាមមន្ត្រីពន្លត់អគ្គីភ័យបាននិយាយថា សត្វឆ្កែមនុស្សយន្តដែលមានតម្លៃ ៧៥,000 ដុល្លាររបស់ Boston Dynamics ចូលរួមជាមួយនាយកដ្ឋានពន្លត់អគ្គីភ័យញូវយ៉ក ដើម្បីជួយក្នុងបេសកកម្មស្វែងរក និងជួយសង្គ្រោះ តិចជាងមួយឆ្នាំបន្ទាប់ពីបាត់បង់ការងារជាមួយ NYPD ចំពេលមានការព្រួយបារម្ភអំពីឯកជនភាពបើយោងតាមការចេញផ្សាយពីគេហទំព័រឌៀលីម៉ែល។

មន្ត្រីពន្លត់អគ្គីភ័យបានបន្តថា សត្វឆ្កែមនុស្សយន្តតម្លៃ ៧៥,000 ដុល្លាររបស់ Boston Dynamics ត្រូវបានគេស្គាល់ថា Spot នឹងត្រូវប្រើប្រាស់ដើម្បីជួយអ្នកពន្លត់អគ្គីភ័យក្នុងបេសកកម្មស្វែងរក និងជួយសង្គ្រោះ ។ ការដាក់ឲ្យដំណើរការរបស់ពួកគេកើតឡើងតិចជាងមួយឆ្នាំ បន្ទាប់ពីនាយកដ្ឋានប៉ូលីសញូវយ៉ក (NYPD) ត្រូវបានបង្ខំឲ្យបញ្ចប់កិច្ចសន្យារបស់ខ្លួនជាមួយ Boston Dynamics ចំពេលមានការព្រួយបារម្ភអំពីភាពឯកជនរបស់សត្វឆ្កែមនុស្សយន្ត។

ថ្លែងទៅកាន់ New York Times ប្រធានក្រុមមនុស្សយន្តលោក Michael Leo មកពីអង្គភាពមនុស្សយន្តរបស់នាយកដ្ឋានពន្លត់អគ្គីភ័យបានធានាជាថ្មីថា សត្វឆ្កែមនុស្សយន្តមានសុវត្ថិភាព ហើយនឹងសង្គ្រោះជីវិត។ លោកបាននិយាយថា ឧស្សាហកម្មទូរទស្សន៍ និងឧស្សាហកម្មភាពយន្តកំពុងធ្វើឲ្ យយើងឈឺចាប់ក្នុងវិធីមួយចំនួន ដោយសារតែពួកគេតែងតែបង្ហាញ រូបភាពរបស់មនុស្សយន្តដែលមានអាវុធ ហើយបន្ទាប់មកមនុស្សគិតថា នោះជារបៀបមនុស្សយន្តទាំងអស់។

បេសកកម្មទាំងមូលរបស់យើងគឺជាការសង្គ្រោះ ជីវិតមួយនោះជាចំណុចស្នូល ហើយមនុស្សយន្តទាំងនេះនឹងជួយសង្គ្រោះជីវិតមនុស្ស។ យោងតាមកាសែត New York Times ថា សត្វឆ្កែមនុស្សយន្តនឹងត្រូវបានគ្រប់គ្រងដោយប្រតិបត្តិករមនុស្ស ហើយនឹងអាចប្រមូលរូបភាព និងទិន្នន័យក្នុងអំឡុងពេលបេសកកម្មស្វែងរក និងជួយសង្គ្រោះដែលមិនច្បាស់លាស់ និងវាស់ស្ទង់កំហាប់នៃឧស្ម័នគ្រោះថ្នាក់៕

ដោយ៖លី ភីលីព