ប៉ារីស៖ អ្នកជំនាញបាននិយាយថា ច្រើនទូរសព្ទដៃជាង ៥ ពាន់លានគ្រឿងក្នុងចំណោមចំនួន១៦ ពាន់លានគ្រឿង ដែលមាននៅទូទាំងពិភពលោក ត្រូវបោះចោល ឬទុកចោលនៅឆ្នាំ ២០២២ ដោយអំពាវនាវ ឲ្យមានការកែច្នៃឡើងវិញ នូវវត្ថុគ្រោះថ្នាក់ជាញឹកញាប់ ដែលពួកគេមាន យោងតាមការចេញផ្សាយពីគេហទំព័រជប៉ុនធូដេ។
សមាគមស្រាវជ្រាវ WEEE បានរកឃើញថា ទូរស័ព្ទដែលប្រើរួចជាច្រើននឹងកើនឡើងដល់ទៅ ៥0,000 គីឡូម៉ែត្រ ដែលខ្ពស់ជាងស្ថានីយអវកាសអន្តរជាតិមួយរយដង។ ទោះបីជាមានមាស ទង់ដែង ប្រាក់ ប៉ាឡាដ្យូម និងសមាសធាតុអាចកែច្នៃឡើងវិញ បានយ៉ាងមានតម្លៃក៏ដោយ ស្ទើរតែទាំងអស់ឧបករណ៍ មិនចង់បានទាំងនេះនឹងត្រូវរក្សាទុក បោះចោល ឬដុតបំផ្លាញ បង្កគ្រោះថ្នាក់ដល់សុខភាព និងបរិស្ថានយ៉ាងខ្លាំង។
លោក Pascal Leroy អគ្គនាយកនៃវេទិកា WEEE ជាសមាគមមិនរកប្រាក់ចំណេញ តំណាងឲ្យអង្គការទទួលខុសត្រូវ ផលិតចំនួន៥៦បាននិយាយថា ស្មាតហ្វូនគឺជាផលិតផលអេឡិចត្រូនិចមួយ ក្នុងចំណោមផលិតផលអេឡិចត្រូនិច ដែលមានការព្រួយបារម្ភខ្ពស់បំផុត សម្រាប់យើង។ លោកបានប្រាប់ AFP ថា ប្រសិនបើយើងមិនកែច្នៃឡើងវិញ នូវវត្ថុធាតុដ៏កម្រដែលពួកគេមាននោះ យើងនឹងត្រូវជីកយករ៉ែទាំងនោះ ក្នុងប្រទេសដូចជាប្រទេសចិន ឬកុងហ្គោ។
នេះបើយោងតាមការត្រួតពិនិត្យ កាកសំណល់អេឡិចត្រូនិកសកល ឆ្នាំ២០២០ថា ទូរស័ព្ទដៃដែលលែងដំណើរការ គឺគ្រាន់តែជាផ្នែកមួយនៃផ្ទាំងទឹកកក ចំនួន ៤៤.៤៨ លានតោននៃសំណល់អេឡិកត្រូនិកសកល បានបង្កើតជារៀងរាល់ឆ្នាំ មិនត្រូវបានកែច្នៃឡើងវិញ។ ទូរស័ព្ទជាច្រើនក្នុងចំណោម៥ពាន់លានគ្រឿង ត្រូវបានដកចេញពីចរាចរនឹងត្រូវរក្សាទុក ជាជាងបោះចោលក្នុងធុងសំរាម ។
នេះបើយោងតាមការស្ទង់មតិ នៅប្រទេសចំនួន៦នៅអឺរ៉ុប ចាប់ពីខែមិថុនាដល់ខែកញ្ញា ឆ្នាំ២០២២ថា វាកើតឡើងនៅពេលគ្រួសារ និងអាជីវកម្មភ្លេចទូរស័ព្ទដៃនៅក្នុងថត ទូ ទូដាក់ចាន ឬយានដ្ឋាន ជាជាងយកវាមកជួសជុល ឬកែច្នៃឡើងវិញ។ ឧបករណ៍អេឡិចត្រូនិក រហូតដល់ទៅប្រាំគីឡូក្រាម ក្នុងមនុស្សម្នាក់បច្ចុប្បន្នត្រូវបានស្តុកទុក ក្នុងគ្រួសារអឺរ៉ុបជាមធ្យម៕ ដោយ៖លី ភីលីព
