អាមេរិក៖ក្រុមអ្នកស្រាវជ្រាវនៅពីក្រោយការសិក្សាថ្មីមួយបានឲ្យដឹងថា ឪពុកម្តាយឲ្យកូនៗមើលទូរទស្សន៍ច្រើននឹងធ្វើឲ្យឪពុកម្តាយមានអារម្មណ៍តប់ប្រមល់ ព្រោះកូនៗរបស់ពួកគាត់ទទូចចង់ទិញផលិតផលដែលពួកគេបានឃើញនៅក្នុងការផ្សព្វផ្សាយនេះបើយោងតាមការចេញផ្សាយពីគេហទំព័រឌៀលីម៉ែល។
អ្នកវិទ្យាសាស្ត្រនៅសាកលវិទ្យាល័យ Arizona បានសាកសួរឪពុកម្តាយរបស់កុមារជាង៤៣០នាក់ដែលមានអាយុពី ២ ទៅ ១២ ឆ្នាំអំពីទម្លាប់នៃការមើល និងកម្រិតស្ត្រេសរបស់ពួកគេ។ នេះបើយោងតាមការស្រាវជ្រាវថ្មីថា កុមារមើលទូរទស្សន៍កាន់តែច្រើនការផ្សព្វផ្សាយកាន់តែច្រើន ហើយពួកគេទំនងជានឹងសួររកអ្វីដោយពួកគេបានឃើញនៅលើអេក្រងអំឡុងពេលធ្វើដំណើរកម្សាន្ត។
យោងទៅតាមអ្នកនិពន្ធការសិក្សាឪពុកម្តាយអាចកាត់បន្ថយការកើនឡើងនៃអំណាចរំខាន់ដោយបិទទូរទស្សន៍ និងពិភាក្សាអំពីការប្រើប្រាស់របស់អតិថិជនជាមួយកូនៗ របស់ពួកគេ។ ឪពុកម្តាយសម័យទំនើបជាច្រើនតែងតែដណ្តើមកូនៗរបស់ពួកគេនៅមុខកញ្ចក់ទូរទស្សន៍ ដើម្បីផ្តល់ឲ្យពួកគេនូវការសម្រាក ប៉ុន្តែការសិក្សាថ្មីបានបង្ហាញថា វិធីសាស្ត្រទាំងនេះអាចនឹងផ្តល់ផលអាក្រក់ដល់ពួកគេ។
អ្នកនិពន្ធ និងដឹកនាំការសិក្សាលោកវេជ្ជបណ្ឌិត Matthew Lapierre បាននិយាយថា នៅពេលក្មេងៗឃើញការផ្សព្វផ្សាយពាណិជ្ជកម្ម ពួកគេបានស្នើសុំឪពុកម្តាយរបស់ពួកគេនូវរបស់ជាច្រើនទៀតដែលបង្កើតឲ្យមានជម្លោះ។ លោកវេជ្ជបណ្ឌិត Lapierre បន្តថា មានរឿងមួយចំនួនដែលឪពុកម្តាយអាចធ្វើបានប្រហែលជាអ្វីដែលច្បាស់បំផុត គឺការកំណត់ពេលវេលាបញ្ចាំង។ ខ្លឹមសារពាណិជ្ជកម្មនៅទីនោះមានហេតុផល៖ ដើម្បីរកឥរិយាបថទិញ បន្ថែមថា ប្រសិនបើបញ្ហានេះប្រែទៅជាបញ្ហាប្រហែលជាបិទទូរទស្សន៍៕ដោយ៖លី ភីលីព
