បញ្ហាផ្លូវភេទ របស់បុរសមានន័យថា ជាបញ្ហា ឬភាពគ្មានសមត្ថភាពទាំងឡាយណា ដែលកំពុងតែកើតឡើងនៅក្នុងផ្នែកណាមួយ នៃរាងកាយដែលធ្វើអោយរាំងស្ទះដល់ការសប្បាយដោយសកម្មភាពផ្លូវភេទរបស់ដៃគូររួមភេទទាំងពីរនាក់។ បុរសច្រើនតែមានបញ្ហាជាងគេជាមួយនឹង ការងាប់លិង្គ ,ភាពមិនធម្មតានៃការបាញ់ទឹកកាម ឬឈាប់ចេញទឹកកាមពេក, ទឹកកាមបាញ់ឡើងទៅលើចូលផ្លោកនោម និង ភាពមិនមានចំណង់ផ្លូវភេទ។
ថ្វីបើបញ្ហាទាំងឡាយ នៃការអសម្តត្ថភាពផ្លូវភេទ តែងតែអាចព្យាបាល បានភាគច្រើនក៏ដោយ ក៏មានមនុស្សជាច្រើនមានការអៀនខ្មាស ក្នុងការនិយាយវាដោយ បើកចំហរណាស់ ។ ការដែលនិយាយប្រាប់កាន់តែច្បាស់អំពីបញ្ហាសុខភាពផ្លូវភេទ ជាមួយនឹង ជម្រើសព្យាបាល ដែលអាចធ្វើបាននោះនឹងជួយអោយប្រាកដថាបុរសម្នាក់នោះ នឹងមានភាពកាន់ តែប្រសើជាងមុនបាន ។
បញ្ហាផ្លូវភេទរបស់បុរស
ងាប់លិង្គ
ការងាប់លិង្គមានន័យថា បុរសមិនអាចធ្វើអោយលិង្គ ឡើងរឹងបាន ឬមិនអាចរក្សាការរឹងនោះ អោយបានយូរគ្រប់គ្រាន់ ក្នុងការរួមភេទ ។ វាអាចកើតឡើង ដោយសារតែបញ្ហាផ្លូវកាយ និងផ្លូវចិត្ត។ ជំងឺដូចជាក្រិនរឹងសរសៃឈាម ដែលវាទៅរំខានដល់ លំហូរឈាមធម្មតា, ជំងឺរ៉ាំរ៉ៃ, ការប្រើប្រាស់ថ្នាំ, សរសៃប្រសាទខុសធម្មតា និងជំងឺមួយប្រភេទឈ្មោះថា Peyronie’s Disease ដែលវាបន្សល់នូវជាលិកា សន្លាក់នៅក្នុងលិង្គ សុទ្ធតែជាមូលហេតុរាងកាយ នៃការងាប់លិង្គទាំងអស់។ ចំពោះមូលហេតុផ្លូវចិត្តវិញមានដូចជា ស្ត្រេស, បាក់ទឹកចិត្ត និងការថប់អារម្មណ៍ ឬខ្លាចថាមិនអាចរួមភេទ បានយ៉ាងល្អ។
ការបាញ់ទឹកកាមមិនធម្មតា
ឆាប់ចេញទឹកកាមពេក ៖ នៅពេលការបាញ់ទឹកកាមឆាប់កើតឡើង ពេកទាំងមុន ឬសូកបញ្ចូលលិង្គបានបន្តិច សុទ្ធជាជាបញ្ហាមួយនេះហើយ។
មិនអាចបាញ់ទឹកកាមបាន ៖ នេះគឺជាបញ្ហាមួយ ដែលការបាញ់ទឹកកាម កើតឡើងយូរពេក។
បាញ់ទឹកកាមឡើងទៅផ្លោកនោមវិញ ៖ មានន័យថា ដល់ពេលបាញ់ទឹកកាម វាមិនបាញ់ចេញតាមបង្ហួរនោម បែរជាបាញ់ឡើង ទៅក្នុងផ្លោកនោមទៅវិញ។
ការឆាប់ចេញទឹកកាមពេកជាបញ្ហាផ្លូវភេទ ដែលកើតមានជាញឹកញាប់បំផុតលើបុរស ហើយវាក៏បង្កឡើង ដោយការថប់អារម្មណ៍ នៅពេលរួមភេទផងដែរ។ ការឆាប់ចេញទឹកកាមពេក ឬមិនអាចបាញ់ទឹកកាមចេញ បណ្តាលមកពីក្រោយការរប៉ះទង្គិចផ្លូវចិត្ត, កង្វះការទាក់ទាញសម្រាប់ ដៃគូររួមភេទ ។ ការបាញ់ទឹកកាមឡើងទៅក្នុងផ្លោកនោមជាបញ្ហា តែងតែកើតមានជាញឹកញាប់បំផុត ទៅលើបុរសមានជំងឺទឹកនោមផ្អែម ព្រោះពួកគេមានបញ្ហាសរសៃប្រសាទដោយបង្កឡើងដោយជំងឺនេះ។ វាក៏កើតឡើងដែរលើបុរស ដែលបានវះកាត់ផ្លោកនោម ឬក្រពេញប្រូស្តាត។
មិនមានចំណង់ផ្លូវភេទ
បើយើងនិយាយអោយសាមញ្ញ ទៅការដែលគ្មានចំណង់ផ្លូវភេទមានន័យថា ជាការថយចុះនៃការចង់ធ្វើ សកម្មភាពផ្លូវភេទ។ រឿងនេះបណ្តាលមកពីកត្តាផ្លូវចិត្តដូចជា ការថប់អារម្មណ៍ ឬបាក់ទឹកចិត្ត ហើយកត្តាផ្លូវកាយវិញគឺ ជំងឺទឹកនោមផ្អែម, ជំងឺលើរាងកាយ, សម្ពាធឈាមឡើងខ្ពស់, ផលរំខានរបស់ថ្នាំ និងមានបញ្ហាខាងទំនាក់ទំនង ។
ការព្យាបាលបញ្ហសុខភាព ផ្លូវភេទរបស់បុរស
បញ្ហាផ្លូវភេទបុរស ជាច្រើនអាចព្យាបាល បានតាមរយៈការរកឃើញ នូវមូលហេតុផ្លូវកាយ ឬផ្លូវចិត្តរបស់គេ ។ ការព្យាបាលមានដូចជា៖
ការព្យាបាលជំងឺជាក់លាក់ ៖ ការព្យាបាលជំងឺ ដែលជាដើមហេតុ គឺជាការព្យាបាលមូលហេតុ នៃបញ្ហាផ្លូវភេទនោះហើយ។
ការប្រើថ្នាំជាអ័រម៉ូនបំប៉ន ៖ បុរសដែលមានកម្រិតអ័រម៉ូន Testosterone ចុះទាបអាចនឹងទទួលបាន អត្ថប្រយោជន៍ពីការព្យាបាល ដោយប្រើអ័រម៉ូន Testosterone ជាប្រភេទថ្នាំបំប៉ន ។
ការព្យាបាលចិត្តសាស្ត្រ ៖ ការអប់រំបុរសម្នាក់អំពីការរួមភេទ និងអាកប្បកិរិយាផ្លូវភេទអាចជួយអោយ គាត់យកឈ្នះភាពភ័យខ្លាច និងភាពអសន្តិសុខរបស់គាត់បាន ។ ចូរចាប់ផ្តើមដោយការនិយាយប្រាប់ដៃ គូររបស់អ្នកអំពីអ្វីដែលអ្នកមានអារម្មណ៍ ចំពោះការធ្វើសកម្មភាពផ្លូវភេទ និងយកឈ្នះរណាំងផ្លូវចិត្តអោយបាន ។
ជំនួយខាងមេកានិច ៖ ការប្រើឧបករណ៍ពង្រីកលិង្គ អាចនឹងមានប្រយោជន៍ ចំពោះបុរសណាដែលងាប់លិង្គ។
បញ្ហាសុខភាពរបស់បុរស ដែលកើតឡើងជា ញឹកញាប់នោះ គឺជាការមានទុក្ខកង្វល់ដ៏ធ្ងន់ធ្ងរ ហើយអាចនឹងធ្វើអោយទំនាក់ទំនង មានបញ្ហាបានទៀតបើសិនជាទុក្ខកង្វល់នោះ កើតឡើងជាប់រហូត ។ បើសិនជាបញ្ហាទាំងឡាយកើតឡើងយូរពេក យកល្អគួរតែទៅពិគ្រោះជាមួយគ្រូពេទ្យដើម្បីស្វែងរករោគវិនិច្ឆ័យ និងការព្យាបាលទៅ៕ សុខភាព
