អ៊ីស្រាអែល៖យោងតាមការស្រាវជ្រាវថ្មីមួយ បានរកឃើញថា ការងូតទឹកក្រោមពន្លឺព្រះអាទិត្យអាចបង្កើនចំណង់ផ្លូវភេទរបស់អ្នក ពីព្រោះការប៉ះពាល់នឹងពន្លឺព្រះអាទិត្យច្រើន បញ្ចេញនូវអរម៉ូនភេទខ្ពស់ នេះបើយោងតាមការចេញផ្សាយពីគេហទំព័រឌៀលីម៉ែល។
ក្រុមអ្នកស្រាវជ្រាវនៅសាកលវិទ្យាល័យ Tel Aviv បានលាតត្រដាងមនុស្សពេញវ័យចំនួន ៣២ នាក់នូវកម្រិតវិទ្យុសកម្មអ៊ុលត្រាវីយូឡេខុសៗគ្នាពីពន្លឺព្រះអាទិត្យ ខណៈពួកគេសួរពួកគេថា តើពួកគេមានអារម្មណ៍ថាម៉េចដែរ។នៅពេលពួកគេត្រូវបានគេសុំឲ្យចៀសវាងពន្លឺព្រះអាទិត្យរយៈពេល២ថ្ងៃបន្ទាប់មកត្រូវងូតទឹកក្តៅរយៈពេល ២៥ នាទីទាំងអ្នកស្ម័គ្រចិត្តទាំងប្រុសទាំងស្រីកាន់តែ មានភាពរំជើបរំជួលផ្លូវភេទពួកគេបានរកឃើញ។
ពួកគេបាននិយាយថា ការប៉ះពាល់កាំរស្មីយូវី “UV” បានបង្កើនកម្រិតអរម៉ូនផ្លូវភេទ ហើយក៏បង្កើនកម្រិតអ័រម៉ូនតេស្តូស្តេរ៉ូន ចំពោះបុរសដែលធ្វើឲ្យពួកគេកាន់តែឈ្លានពាន។ ក្រុមនេះបានពន្យល់ថានៅពេលអនាគតការរកឃើញថ្មីនេះ អាចនាំឲ្យមានការអនុវត្តជាក់ស្តែងដូចជាការព្យាបាលដោយកាំរស្មីUVB ចំពោះបញ្ហាអ័រម៉ូនភេទ។
ប៉ុន្តែពួកគេបានព្រមានថា ការស្រាវជ្រាវជាច្រើនត្រូវបានទាមទារមុនពេល ការព្យាបាលណាមួយអាចត្រូវបានរចនាឡើង ហើយបាននិយាយថា មនុស្សគួរតែប្រយ័ត្នចំពោះការប៉ះពាល់នឹងព្រះអាទិត្យច្រើនពេក។ មុនពេលធ្វើការពិសោធន៍លើមនុស្ស ក្រុមនេះបានបង្ហាញសត្វទៅនឹងពន្លឺព្រះអាទិត្យហើយបានរកឃើញថា កម្រិតអរម៉ូនភេទញីបានកើនឡើងគួរឲ្យកត់សម្គាល់ និងនាំឲ្យមានការរីកធំនៃអូវែរ៕ដោយ៖លី ភីលីព
