អាមេរិក៖ យោងតាមឯកសារតុលាការ បាននិយាយថា អតីតវិស្វករម្នាក់នៅ ក្រុមហ៊ុន Yahoo ត្រូវបានកាត់ទោសឲ្យជាប់ ឃុំឃាំងនៅផ្ទះរបស់លោកក្នុងរយៈពេល ៥ឆ្នាំ បន្ទាប់ពីជននេះបានលួចចូល គណនីអ៊ីម៉ែលជាង ៦០០០ ដើម្បីស្វែងរករូបភាពអាសអាភាសរួមទាំង មិត្តភក្តិផ្ទាល់ខ្លួន និងអ្នករួមការងារ នេះបើយោងតាមការ ចេញផ្សាយពីគេហទំព័រ ឌៀលីម៉ែល។
យោងតាមឯកសារ តុលាការដែល ZDNet ទទួលបានថា លោក Reyes Daniel Ruiz នៅ Tracy រដ្ឋ California នឹងត្រូវដាក់ទោសរយៈពេល ៥ឆ្នាំ ដោយដាក់ឃុំឃាំងនៅផ្ទះ បន្ទាប់ពីសេចក្តីសម្រេច កាលពីសប្តាហ៍មុន។ Ruiz ក៏នឹងត្រូវតម្រូវឲ្យបង់ប្រាក់ពិន័យចំនួន ៥,០០០ ដុល្លារ និង ១១៨,៤៥៦ ដុល្លារដល់ក្រុមហ៊ុន Yahoo ឥឡូវនេះត្រូវបានគេហៅថា Oath ជាផ្នែកមួយនៃ សេចក្តីសម្រេច។
ZDNet បានរាយការណ៍ថា ការកាត់ទោសស្រាលត្រូវបាន ផ្តល់ជាលទ្ធផលនៃកិច្ចសហប្រតិបត្តិការរបស់ Ruiz ក្នុងការស៊ើបអង្កេត និងការពិតដែលថា លោកមិនបានផ្សព្វផ្សាយ រូបភាពតាមប្រព័ន្ធអ៊ីនធើណេតឡើយ។ លោកRuiz ចូលមើលគណនីក្នុងអំឡុងពេលនៃ ការកាន់កាប់នៅ Yahoo ពីឆ្នាំ ២០០៩ ដល់ឆ្នាំ ២០១៩ នៅពេលលោកធ្វើការជាវិស្វករ ដែលអាចទុកចិត្តបានក្នុងចំណោម តួនាទីផ្សេងទៀត។
ដោយប្រើសិទ្ធិរបស់លោកនៅផ្នែក ខាងក្រោយរបស់ Yahoo ហើយលោកត្រូវបានគេលួចលេខ កូដសម្ងាត់នៅពេលដែលលោកបាន លួចចូល និងប្រើប្រាស់គណនីស្ត្រីដោយខុសច្បាប់ រួមទាំងមិត្តភក្តិផ្ទាល់ខ្លួន និង អ្នករួមការងារ៕ ដោយ៖លី ភីលីព
