ទីក្រុងឈីកាហ្គោ៖ នៅពេលដែលពិភពលោក កំពុងតស៊ូដើម្បីប្រយុទ្ធប្រឆាំង នឹងមេរោគCOVID-19 ដែលបានសម្លាប់រាប់លាននាក់ នាពេលបច្ចុប្បន្ន បែរជាក្រុមអ្នកស្រាវជ្រាវ បានចេញមុខមក ជាមួយនឹងការព្រមាន អំពីការគំរាមគំហែងដ៏សាហាវ ពីកម្តៅខ្លាំងទៅវិញ នេះបើយោងតាមការចេញផ្សាយ ពីគេហទំព័រឌៀលីម៉ែល។
សីតុណ្ហភាពកំពុងកើនឡើង នៅពាសពេញពិភពលោក ដោយសារតែកម្ដៅផែនដី និងអាចសម្លាប់មនុស្ស ច្រើនជាងជំងឺឆ្លងបច្ចុប្បន្ន ដែលបានបញ្ចូលគ្នា។ ក្រុមស្រាវជ្រាវ បានរកឃើញថា ប្រសិនបើការបំភាយឧស្ម័នផ្ទះកញ្ចក់ មិនត្រូវបានទប់ស្កាត់ទេ រលកកម្តៅអាចសម្លាប់មនុស្ស ៧៣នាក់ក្នុង ១០០,០០០ នាក់ត្រឹមឆ្នាំ ២១០០ ។
នេះគឺជាចំនួនអ្នកស្លាប់ដូចគ្នា ដែលត្រូវបានផ្សារភ្ជាប់ជាមួយនឹងមេរោគអេដស៍ គ្រុនចាញ់និងគ្រុនលឿងរួមគ្នា បន្ទាប់ពីការស៊ើបអង្កេតលើសីតុណ្ហភាព និងមរណភាពលទ្ធផល បានបង្ហាញថា អ្នកដែលមានបញ្ហា សរសៃឈាមបេះដូង ងាយប្រឈមនឹងគ្រោះថ្នាក់។
ការព្រមាននេះ បានមកពីក្រុមអ្នកវិទ្យាសាស្ត្រជាង ៣០ នាក់នៅឯមន្ទីរពិសោធន៍ ផលប៉ះពាល់អាកាសធាតុ បានប្រមូលកំណត់ត្រាមរណភាព ចំនួន ៣៩៩ លាននាក់មកពី ៤១ ប្រទេសសម្រាប់ការសិក្សានេះ។
កំណត់ត្រាបង្ហាញថា ផលប៉ះពាល់ដោយផ្ទាល់ នៃកម្ដៅខ្លាំង បណ្តាលឲ្យមានស្ត្រេស ឬការឡើងកម្តៅ គឺប៉ះពាល់តែបំណែកតូចមួយ នៃការស្លាប់ទាក់ទង នឹងសីតុណ្ហភាពកើនឡើង។
លោកAmir Jina សេដ្ឋវិទូផ្នែកបរិស្ថាន និងអភិវឌ្ឍន៍ នៅសាកលវិទ្យាល័យឈីកាហ្គោ និងជាសហអ្នកនិពន្ធ នៃការសិក្សាបានប្រាប់តាមអ៊ីម៉ែលថា នៅពេលបុគ្គលមានបញ្ហាបេះដូង ត្រូវបានប៉ះពាល់ នឹងកម្ដៅខ្លាំងរាងកាយរបស់ពួកគេ ចាប់ផ្តើមបូមឈាម នៅជុំវិញដោយព្យាយាមនៅត្រជាក់ ហើយវាដាក់ភាពតានតឹង បន្ថែមលើប្រព័ន្ធ៕ ដោយ៖លី ភីលីព
