អាមេរិក ៖ Apple Oneរបស់ក្រុមហ៊ុនបច្ចេកវិទ្យាយក្ស សហរដ្ឋអាមេរិក Apple ចាប់ផ្តើមដំណើរការនៅពេលក្រុមហ៊ុន បច្ចេកវិទ្យាយក្សមួយនេះ ធ្វើការជាវកញ្ចប់តន្ត្រី ទូរទស្សន៍ ហ្គេម និងឧបករណ៍ផ្ទុកទិន្នន័យ iCloud ក្នុងតម្លៃត្រឹមតែ ១៥ ដុល្លារក្នុងមួយខែនេះ បើយោងតាមការ ចេញផ្សាយពីគេហទំព័រឌៀលីម៉ែល ។
ក្រុមហ៊ុនបច្ចេកវិទ្យាយក្សមួយនេះ បានដាក់បង្ហាញជាផ្លូវការនូវផលិតផល Apple One ដែលមានការរំពឹងទុកខ្ពស់ ដែលរួមបញ្ចូលការជាវ Apple Music, Apple TV + និង Apple Arcade ។ តម្លៃចាប់ផ្តើមត្រូវបានកំណត់ ១៤,៩៥ ដុល្លារសម្រាប់ផែនការឯកត្តជន និងមានជួរបន្ថែម ដែលបន្ថែមទំហំផ្ទុក និងការជាវ iCloud បន្ថែមទៀត ។
សេវាកម្ម Fitness + ខាងមុខនេះនឹងត្រូវបន្ថែម ទៅក្នុងគម្រោង Premier របស់ Apple One រួមជាមួយការជាវ Apple News + ។ Apple One បានបង្កើតជណ្តើរបីផ្សេងគ្នា អាចរកបាន ដោយចាប់ផ្តើមពីគម្រោង ១៤,៩៥ ដុល្លារដែលរួមបញ្ចូលទាំង Apple Music, Apple TV +, Apple Arcade និង ៥០GB នៃ iCloud ។
កម្រិតបន្ទាប់ផែនការ គ្រួសារ ដែលមានទឹកប្រាក់ ១៩,៩៥ ដុល្លារធ្វើឲ្យ Apple Music ទទួលបានការជាវគ្រួសារ សម្រាប់បទចម្រៀង អាចប្រើបានរហូតដល់ ៦ ឧបករណ៍ហើយបង្កើន ទំហំផ្ទុក iCloud ដល់ ២០០ GB ៕
ដោយ៖លី ភីលីព
