អ្នកជំនាញ​ ៖ ទឹកកកប្រវែង ចម្ងាយជិត៦៣គីឡូម៉ែត្រ កំពុងដំណើរការ នៅអាឡាស្កា មិនមានល្បឿនលឿន ក្នុងរយៈពេលជាង៦០ឆ្នាំ

អាឡាស្កា ៖ ផ្ទាំងទឹកកកនៅអាឡាស្កា កំពុងរំកិល១០០ដង មានលឿនជាងធម្មតា ដោយសារការផ្លាស់ប្តូរ ម៉ាស រវាងកំពូល និងបាតផ្ទាំងទឹកកក លាតសន្ធឹងចម្ងាយ៦២.៧៦គីឡូម៉ែត្រ ដែលអ្នកជំនាញ និយាយថា មិនបានល្បឿនលឿន ក្នុងរយៈពេលជាង ៦០ ឆ្នាំ មកហើយនេះបើយោងតាមការ ចេញផ្សាយពីគេហទំព័រ ឌៀលីម៉ែល ។

Muldrow Glacier មានទីតាំងស្ថិត នៅភាគខាងជើង នៃភ្នំ Denali កំពុងទទួលបាននូវការកើនឡើង ដ៏កម្រមួយដែលកំពុងធ្វើឲ្យវា ឡើងដល់៦០ ម៉ែត្រក្នុងមួយថ្ងៃលឿន ជាងល្បឿន ធម្មតា១០០ដង ។ អ្នកវិទ្យាសាស្ត្របានទន្ទឹង រង់ចាំបាតុភូតភូគព្ភសាស្រ្តយ៉ាងអន្ទះសា ខណៈទិន្នន័យ បង្ហាញថា Muldrow បានកើនឡើងជារៀងរាល់៥០ឆ្នាំហើយចុងក្រោយ គឺនៅឆ្នាំ១៩៥៦ ។

ទោះជាយ៉ាងណាក៏ដោយ ព្រឹត្តិការណ៍ នាពេលថ្មីៗនេះគឺលឿនណាស់ដែលវាបណ្តាលឲ្យ ខូចទ្រង់ទ្រាយ និងបាក់ឆ្អឹងនៅក្នុងផ្ទាំងទឹកកក ក្រាស់ ដែលមានកម្ពស់ ១,៥០០ ហ្វីត។ ក្រុមអ្នកជំនាញបានណែនាំថា ព្រឹត្តិការណ៍នេះកើតឡើង ដោយសារតែការផ្លាស់ប្តូរ តុល្យភាពដ៏ធំរវាងកំពូល និងបាតនៃផ្ទាំងទឹកកក ហើយការកើនឡើងនេះ ជួយកែតម្រូវការផ្លាស់ប្តូរ ។

ការកើនឡើងត្រូវបានគេសង្កេត ឃើញត្រឹមតែមួយភាគរយនៃផ្ទាំង ទឹកកកទូទាំងពិភពលោក ប៉ុន្តែផ្ទាំងទឹកកកអាចឆ្លងកាត់រាប់ ទសវត្សដោយមិន មានព្រឹត្តិការណ៍កើតឡើង ។ ការកើនឡើងដ៏កម្រមានណាស់ អ្នកវិទ្យាសាស្ត្រមិនអាចសិក្សា ពិតប្រាកដនូវអ្វីដែលបណ្តាល ឲ្យវាកើតឡើងនោះទេ ។

លោក Mark Fahnestock អ្នកជំនាញផ្នែកជីវវិទ្យានៃសាកលវិទ្យាល័យ អាឡាស្កា Fairbanks បានប្រាប់កាសែត The New York Times ថា ការកើនឡើងអាចបណ្តាល មកពីការផ្លាស់ប្តូរតុល្យភាពដ៏ធំ រវាងកំពូលនិងបាត នៃផ្ទាំងទឹកកក ។ វេជ្ជបណ្ឌិត Fahnestock មានប្រសាសន៍ថា ផ្នែកខាងលើក្រាស់ និងផ្នែកខាងក្រោមរលាយទៅវិញ ៕ដោយ៖លី ភីលីព