CAPE CANAVERAL ៖ ចំនួនមនុស្សនៅស្ថានីយ៍ អវកាសអន្តរជាតិ បានកើន ឡើងដល់ ១១ នាក់កាលពីថ្ងៃសៅរ៍ ជាមួយនឹងការមកដល់យ៉ាង រហ័សរបស់យានិកទី ៣ របស់យានអវកាស SpaceX ក្នុងរយៈពេលតិចជាងមួយឆ្នាំ ក្នុងនោះ ក៏មាន លោក Akihiko Hoshide របស់ជប៉ុនជាអ្នកទេសចរថ្មី នឹងចូលកាន់កាប់តំណែង ជាមេបញ្ជាការ យោងតាមការចេញផ្សាយ ពីគេហទំព័រជប៉ុនធូដេ ។
នេះជាក្រុមមនុស្សធំបំផុត នៅទីនោះក្នុងរយៈពេលជាងមួយទសវត្សរ៍ ។ អវកាសយានិកទាំងអស់ តំណាងឲ្យសហរដ្ឋអាមេរិក រុស្ស៊ី ជប៉ុន និងបារាំងបានបង្រួមចូល ទៅក្នុងទិដ្ឋភាពកាមេរ៉ា សម្រាប់ការអបអរសាទរ ពីមេដឹកនាំនៃទីភ្នាក់ងារ អវកាសរបស់ពួកគេ ។
ប្រធានទីភ្នាក់ងារ អវកាសជប៉ុន លោក Hiroshi Yamakawa បាននិយាយពីមជ្ឈមណ្ឌលគ្រប់គ្រង ជើងហោះហើរ របស់ប្រទេសរបស់លោក ដោយសំដៅដល់ការរាលដាល នៃរោគរាតត្បាតថា ស្ថិតក្នុងស្ថានភាពដ៏លំបាកនេះ នៅជុំវិញពិភពលោកខ្ញុំជឿជាក់ថា អ្នកបាននាំមកនូវភាពក្លាហាន និងក្តីសង្ឃឹមសម្រាប់យើងទាំងអស់គ្នា ។
យានអវកាសមួយផ្ទុកទៅ ដោយអវកាសយានិក ៤ នាក់ បានមកដល់ស្ថានីយ៍អវកាសមួយថ្ងៃ បន្ទាប់ពីការបាញ់ ចេញពីមជ្ឈមណ្ឌលអវកាស Kennedy របស់ណាសា ។ យន្ត Dragon បានចតដោយស្វយ័ត ជាមួយគន្លងមានចម្ងាយ ៤២០ គីឡូម៉ែត្រ ពីលើមហាសមុទ្រឥណ្ឌា ។ យន្តនេះបានបើក២ឬ៣ ម៉ោងក្រោយមកដោយចូល រួមអ្នកធ្វើដំណើរក្នុងទីអវកាសទាំង ១១ ។
អ្នកគ្រប់គ្រងស្តីទី របស់ណាសា លោក Steve Jurczyk មានប្រសាសន៍ថា បុរសពិតជាអស្ចារ្យណាស់ ដែលបានឃើញអ្នកទាំង ១១ នាក់នៅលើស្ថានីយ៍។ លោកបានកត់សម្គាល់ថា នេះនឹងក្លាយជាបទដ្ឋាន ដែលឥឡូវនេះ ក្រុមហ៊ុន SpaceX តែងតែហោះហើរជាទៀងទាត់ ចំណែកអ្នកចំណូលថ្មី នឹងចំណាយពេល ៦ ខែ នៅស្ថានីយ៍អវកាស ។
ពួកគេនឹងជំនួស អវកាសយានិក ៤នាក់ នឹងវិលត្រឡប់មកផែនដីវិញ ជាមួយ Dragon ផ្ទាល់ខ្លួនរបស់ពួកគេនៅ ថ្ងៃពុធ ដើម្បីបញ្ចប់បេសកកម្មរយៈពេលកន្លះឆ្នាំ ។ អង្គការណាសាបានរៀបចំផែនការ ដោយចេតនាសម្រាប់ការត្រួតស៊ីគ្នា យ៉ាងខ្លី ដូច្នេះនាវិក SpaceX នៅឆ្ងាយអាចបង្ហាញពីការ មកដល់ថ្មីនៅជុំវិញ ៕ដោយ៖លី ភីលីព
