វ៉ាស៊ីនតោន ៖ ក្រុមហ៊ុនបានឲ្យដឹងថា ក្រុម ហ៊ុនសេវាកម្ម ជិះរថយន្តអេឡិចត្រូនិក សហរដ្ឋអាមេរិក Lyft បានយល់ព្រមលក់ឯកតា បើកបរដោយ ស្វ័យភាព របស់ខ្លួនទៅឲ្យក្រុមហ៊ុន Toyota របស់ជប៉ុន ក្នុងតម្លៃទឹកប្រាក់ ៥៥០ លានដុល្លារយោងតាមការចេញផ្សាយ ពីគេហទំព័រជប៉ុនធូដេ ។
ការផ្លាស់ប្តូរនេះធ្វើឡើង បន្ទាប់ពីការបង្វែរទិសដៅស្រដៀងគ្នា ពីUber កាលពីឆ្នាំមុនដោយក្រុមហ៊ុន ចែករម្លែកផ្តោត លើប្រតិបត្ដិការស្នូល នៅពេលពួកគេកំពុងតស៊ូ ក្នុងកំឡុងពេលមានជំងឺរាតត្បាតឆ្លង ។ ប្រតិបត្តិការ Lyft ត្រូវបានគេស្គាល់ថា មានកម្រិត ៥ នឹង ត្រូវបត់ចូលទៅក្នុងក្រុមហ៊ុន Woven Planet Holdings ជាក្រុមហ៊ុនបុត្រសម្ព័ន្ធ របស់ក្រុមហ៊ុន Toyota Motor Corporation ដែលនឹងបង្កើតក្រុមមនុស្ស ប្រមាណ ១,២០០ នាក់កំពុងធ្វើការលើបច្ចេកវិទ្យា បើកបរដោយខ្លួនឯង នៅក្នុងប្រទេសជប៉ុន សហរដ្ឋអាមេរិក និងអង់គ្លេស ។
លោក Lyft នឹងទទួលបានសាច់ប្រាក់ប្រមាណ ៥៥០ លានដុល្លារ ក្នុងនោះទឹកប្រាក់ ២០០ លានដុល្លារ និង ៣៥០ លានដុល្លារក្នុងរយៈពេល ៥ ឆ្នាំក្រោមកិច្ចព្រមព្រៀង ។ លោក James Kuffner នាយកប្រតិបត្តិក្រុមហ៊ុន Woven Planet បានមានប្រសាសន៍ថា ការទិញយកនេះ ជំរុញបេសកកម្ម របស់យើងដើម្បីអភិវឌ្ឍភាព ចល័ត ដែលមានសុវត្ថិភាពបំផុត នៅលើពិភពលោក ។
កិច្ចព្រមព្រៀងនេះ នឹងក្លាយ ជាគន្លឹះក្នុងការត្បាញរួមគ្នាធនធាន និងហេដ្ឋា រចនាសម្ព័ន្ធ នឹងជួយយើងផ្លាស់ប្តូរ ពិភពលោក ដែលយើងរស់នៅ តាមរយៈបច្ចេកវិទ្យា ចល័តអាចនាំមកនូវអនាគតរីករាយ និង មានសុវត្ថិភាពសម្រាប់យើងទាំងអស់គ្នា ។ នាយកប្រតិបត្តិក្រុមហ៊ុន Lyft លោក Logan Green បាននិយាយថា ប្រតិបត្តិការនេះនាំមក នូវចក្ខុវិស័យ ទេពកោសល្យធនធាន និងការប្តេជ្ញាចិត្ត ដើម្បីជំរុញភាពចល័តស្វ័យភាព ស្វាហាប់នៅលើពិភពលោក ៕ដោយ៖លី ភីលីព
