ម៉ិចស៊ិកូ៖ ស្នាមដៃខ្មៅ និងក្រហមជាង ១០០គំនូសត្រូវបានគេរកឃើញ នៅលើជញ្ជាំងនៃរូងភ្នំនៅម៉ិចស៊ិកូ អាចត្រូវបានបង្កើតឡើង ក្នុងពិធីបុណ្យម៉ាយ៉ាន បុរាណកាលពីរាប់រយឆ្នាំមុន នេះបើយោងតាមការ ចេញផ្សាយពីគេហទំព័រឌៀលីម៉ែល។
អ្នកបុរាណវិទ្យាបាននិយាយថា ការដាក់ស្នាក់ស្នាមចំនួន ១៣៧ ភាគច្រើនត្រូវបានធ្វើឡើង ដោយកុមារប្រហែល ១.២០០ ឆ្នាំមុនហើយវាជាផ្នែកមួយនៃ ទំនៀមទម្លាប់នៅពេលដែលកុមារពេញវ័យ។ ល្អាងនេះមានទីតាំងស្ថិត នៅជិតចុងខាងជើងនៃឧបទ្វីប Yucatan ព័ទ្ធជុំវិញដោយប្រាសាទមាន រាងដូចប្រាសាទពីរ៉ាមីត និងមានកម្ពស់ប្រហែល ៣៣ ហ្វីតស្ថិតនៅក្រោមដើមឈើ Ceiba ត្រូវបានគេចាត់ទុកថា កន្លែងពិសិដ្ឋនៃក្តីជំនឿ Mayan ។
បុរាណវិទូ Sergio Grosjean បច្ចុប្បន្នកំពុងធ្វើការនៅ ការដ្ឋាននោះបាននិយាយថា ពួកគេបានយកដៃទៅលើជញ្ជាំង ពណ៌ខ្មៅដែលជានិមិត្តរូបនៃការស្លាប់ ប៉ុន្តែនេះមិនមានន័យថា ពួកគេនឹងត្រូវគេសម្លាប់នោះទេ ប៉ុន្តែជាការស្លាប់ដោយសារប្រពៃណីទ។
ក្រោយមកក្មេងៗទាំងនេះបានបោះដៃក្រហម ដែលជាឯកសារយោងទៅនឹងសង្គ្រាម ឬជីវិត ចំពោះពិធីឆ្លងម៉ាយ៉ានសម័យបុរាណ គឺសម្រាប់ទាំងក្មេងប្រុស និងក្មេងស្រី។ ក្មេងស្រីនៃកុលសម្ព័ន្ធនឹង ទទួលបានសម្បកមួយដើម្បីពាក់ នៅជុំវិញចង្កេះរបស់ពួកគេបង្ហាញថា ពួកគេមានអាយុគ្រប់គ្រាន់ដើម្បីមានកូន។ ទោះយ៉ាងណាក្មេងប្រុស បានបន្តការបរបាញ់ដំបូងរបស់ពួកគេ ហើយធ្វើពិធីបង្ហូរឈាមដើម្បីបញ្ជាក់ថា ពួកគេអាចត្រូវបានគេចាត់ទុកជាបុរស បន្ទាប់ពីបញ្ចប់ពិធីនេះពួកគេទទួលបាន អង្កាំពណ៌សពាក់សក់ហើយផ្លាស់ ទៅតំបន់មួយនៅក្នុងសហគមន៍ ដែលគេស្គាល់ថា ជាផ្ទះរបស់បុរសមិនទាន់រៀបការ រហូតដល់រៀបការ៕
ដោយ៖ លី ភីលីព
