អង់គ្លេស ៖ វាមិនមានអ្វីគួរអោយខ្លាច សម្រាប់សហគ្រិន ដែលកំពុងរីកចម្រើនជាងការបោះជំហាន ទៅមុខដោយភ័យខ្លាច ទៅ Dragons’ Den នោះឡើយ ដោយសារការប្រកួតប្រជែងថ្មី មួយបានចាប់ផ្តើមនៅថ្ងៃនេះ ដកហូតសម្ពាធនោះដោយស្នើសុំឲ្យ អ្នកចូលរួមប្រឡងដាក់គំនិត របស់ពួកគេលើ TikTok ជំនួសវិញនេះបើយោងតាមការចេញ ផ្សាយពីគេហទំព័រឌៀលីម៉ែល ។
គោលបំណង នៃ ការប្រឡង #BeYourOwnBoss គឺស្វែងរកសហគ្រិន ឆ្នើមអង់គ្លេស និងមានរង្វាន់ ឈ្នះ ៥,០០០ ផោន ។ អ្នកឈ្នះនឹងទទួល បានការបង្រៀន ណែនាំពីគណៈកម្មការជាដំបូន្មាន ផ្នែកហិរញ្ញវត្ថុ និងអាជីវកម្ម រយៈពេលមួយឆ្នាំពីទីផ្សារ TikTok។ អ្នកដាក់ពាក្យត្រូវតែកត់ត្រា និងចែករម្លែកវីដេអូមាន រយៈពេល៣០ ទៅ ៦០ វិនាទីអំពីគំនិតអាជីវកម្មថ្មី របស់ ពួកគេ ឬអាជីវកម្មខ្នាតតូច ដែលមានស្រាប់ ដោយបញ្ចូលវាលើវេទិកា ប្រព័ន្ធផ្សព្វផ្សាយ សង្គមចិនជាមួយ គេហទំព័រ Hashtag #BeYourOwnBoss ។
ការប្រកួតប្រជែងនឹងប្រព្រឹត្ត ទៅរហូតដល់ថ្ងៃទី ៣០ ខែមិថុនាឆ្នាំ ២០២១ ហើយបើកឲ្យអ្នកដែលមានអាយុចាប់ពី ១៨ ឆ្នាំឡើងទៅ និងរស់នៅក្នុងចក្រភព អង់គ្លេស ។ បន្ទាប់មកបេក្ខជន ១០ នាក់ចុងក្រោយនឹងត្រូវបាន ជ្រើសរើស ដោយគណៈកម្មការ ដើម្បីបង្ហាញគំនិតរបស់ពួកគេ ទៅកាន់ក្រុមប្រឹក្សាលម្អិតបន្ថែមទៀត ក្នុងកំឡុងពេលចុងក្រោយ នៃការចាក់ផ្សាយផ្ទាល់ TikTok ។ អ្នកឈ្នះនឹងត្រូវប្រកាសនៅថ្ងៃទី ៧ ខែកក្កដា។
គំនិតសម្រាប់ការប្រឡងនេះ គឺមកពីលោក Simon Squibb ដែលវេទិការ មានគោលបំណង ដើម្បីជួយមនុស្សចំនួន ១០ លាននាក់ឲ្យចាប់ផ្តើមនិងពង្រីក អាជីវកម្មផ្ទាល់ខ្លួនក៏ដូចជាបង្រៀន សហគ្រិនភាពដោយឥតគិតថ្លៃ ។ លោក Squibb បានក្លាយជាមនុស្សគ្មានផ្ទះ សម្បែងតាំងពីអាយុ ១៥ ឆ្នាំរហូតដល់សេដ្ឋីច្រើនលាននាក់មានអាយុ ៣០ ឆ្នាំដោយបានបង្កើត ក្រុមហ៊ុនចំនួន ១៨ ហើយបានវិនិយោគនៅក្នុងក្រុមហ៊ុនថ្មីៗចំនួន ៦០ ។
លោកបាននិយាយថា មេរោគ Covid-19 បានបន្សល់ទុក នូវយុវជន ដែលគ្មានការងារធ្វើនឹង បាត់បង់ការងារ ហើយពួកគេនៅតែមានដំណោះស្រាយ នៅឡើយ កុំរង់ចាំការងារធ្វើបង្កើតការងារ មួយសម្រាប់ខ្លួនអ្នក! ៕ដោយ៖លី ភីលីព
