អាមេរិក ៖Twitter បានចុះបញ្ជីសេវាកម្មជាវថ្មី ប៉ុន្តែមិនទាន់ត្រូវបានបញ្ជាក់ ដែលមានឈ្មោះថា Twitter Blue ស្ថិតនៅលើ App Stores ដោយណែនាំថា អ្នកប្រើប្រាស់នឹង អាចសាកល្បងបាន ក្នុងពេលឆាប់ៗ នេះ សមាប់ការបើកដំណើរការជម្រើស ដ៏ល្អប្រសើរ នេះបើយោងតាមការចេញផ្សាយ ពីគេហទំព័រឌៀលីម៉ែល ។
ឥឡូវនេះTwitter Blue ហាក់ដូចជាអាចទិញ បាននៅលើកម្មវិធី នៅពេល Twitter app នៅក្នុង iOS App Store របស់ក្រុមហ៊ុន Apple ដែលបានចុះបញ្ជីក្នុងតម្លៃ ២,៤៩ អឺរ៉ូ ឬ ២,៩៩ ដុល្លារ ត្រូវបានគេរំពឹងថា ជាតម្លៃនៃការជាវប្រចាំខែ ក៏ដូចជានៅលើ App Store របស់ Google សម្រាប់ Android ផងដែរ ។
ទោះយ៉ាងណា Twitter Blue មិនទាន់អាចចូលដំណើរការ បាននៅខាងក្នុង Twitter app នៅឡើយទេ ហើយវាមិនទាន់ត្រូវបានគេដឹងច្បាស់ថា តើវានឹងមានសម្រាប់អ្នកប្រើប្រាស់ នៅពេលណានោះទេ ។ បណ្តាញសង្គមមិនទាន់បានធ្វើអត្ថាធិប្បាយ នៅឡើយទេ ចំពោះការចុះបញ្ជីទិញក្នុង Twitter Blue ឬបានបញ្ជាក់ពីផែនការជុំវិញការសាកល្បង និងការដាក់ឲ្យប្រើប្រាស់ជាសាធារណៈ ។
Twitter Blue ត្រូវបាន លេចធ្លាយ កាលពីដើមខែនេះត្រូវបានគេរំពឹងថា នឹងផ្តល់ឲ្យអតិថិជន នូវលក្ខណៈពិសេស ដែលអតិថិជន មិនបង់ប្រាក់នឹង មិនទទួលបាន ។ បើយោងតាមអ្នកស្រាវជ្រាវ និងអ្នកជំនួយការ Jane Manchun Wong មានមូល ដ្ឋាន នៅហុងកុងថា លក្ខណៈពិសេសមួយ ក្នុងចំណោមមុខងារទាំងនេះ គឺកម្មវិធីកំណត់ពេលវេលា ‘Undo Send’ សម្រាប់ tweets ឡើយ ។
Undo Send ក៏លេចធ្លាយតាមអ៊ីនធើណេត ក្នុងទម្រង់ជាគំនូរជីវចល បង្ហាញកម្មវិធីកំណត់ពេល blue ជាមួយនឹងពាក្យថា ‘Undo’ រាប់បញ្ចូលបន្ទាប់ ពីអ្នកប្រើប្រាស់បានប្រើ“ ប្រកាស” ។ កាលពីពេលមុន Twitter បានបញ្ជាក់ប្រាប់ MailOnline ថា បច្ចុប្បន្ននេះវាកំពុងធ្វើតេស្តិ៍ Undo Send ប៉ុន្តែចាប់តាំងពីពេលនោះមកបានបដិសេធ មិនផ្តល់ព័ត៌មានលម្អិតបន្ថែមទៀត ទេរួមទាំងថា តើវាជាផ្នែកមួយនៃ Twitter Blue ដែរឬទេ ៕ ដោយ៖លី ភីលីព
