អាមេរិក ៖ អ្នកវិទ្យាសាស្ត្របាននិយាយថា ចាប់ពីវីតាមីន រហូតដល់ផែនការសុខភាព កម្មវិធីហាត់ប្រាណ និងរបបអាហារតឹងរឹង ជម្រើសដែលមានសម្រាប់ ការពន្យារអាយុជីវិត របស់យើង គឺមានច្រើននេះបើយោង តាមការចេញផ្សាយពី គេហទំព័រឌៀលីម៉ែល ។
ប៉ុន្តែការសិក្សាវិទ្យាសាស្ត្រថ្មីមួយ ពីអ្នកជីវវិទូបានបង្ហាញថា ពួកគេគ្មាន ប្រយោជន៍អ្វីទាំងអស់ ព្រោះគ្មានអ្វី ដែលមនុស្សអាចធ្វើបាន ដើម្បីបន្លំសេចក្តីស្លាប់ឡើយ ។ អ្នកសិក្សាតំណាងឲ្យស្ថាប័នចំនួន៤២ នៅទូទាំង ១៤ ប្រទេសបានវិភាគព័ត៌មានអំពីមនុស្ស និងសត្វស្វាដែលមិនមែនជាមនុស្សចំនួន ៣០ ។
ពួកគេបានរកឃើញថា ប្រភេទសត្វទាំងអស់ទទួលជោគជ័យក្នុងការរស់នៅ បានយូរដោយកាត់បន្ថយអត្រា នៃការស្លាប់របស់ទារក និងអនីតិជន ដោយសារតែស្ថានភាពរស់នៅ មានភាពល្អប្រសើរ ហើយចាប់តាំងពីឆ្នាំ ១៨៥០ អាយុកាលមធ្យមរបស់មនុស្ស បានបាត់បង់ពីអាយុ ៤០ ឆ្នាំទៅ ៧០ ឆ្នាំ។
ហើយការពិតថា អាយុកាល របស់មនុស្សមានភាពប្រសើរឡើង ក្នុងរយៈពេល២ឬ៣រយឆ្នាំចុងក្រោយនេះ អាចបង្ហាញថា យើងកំពុងកាត់បន្ថយភាពចាស់ ជាបណ្តើរៗជាប្រភេទសត្វ។ ប៉ុន្តែជាអកុសលអ្នកស្រាវ ជ្រាវបានរកឃើញថា នេះមិនមែនជាករណីនោះទេ វាកើតឡើងដោយសារ តែបុគ្គលកាន់តែច្រើនរស់នៅ បានយូរ ព្រោះតែការធ្លាក់ចុះ នៃការស្លាប់នៅវ័យក្មេង ។
ពួកគេបន្តថា ការកើនឡើងនេះ ទំនងជាលទ្ធផលស្ថិតិ នៃការរស់រានមានជីវិត ប្រសើរឡើង សម្រាប់កុមារ និងមនុស្សពេញវ័យ ដែលមិនបន្ថយល្បឿន នៃនាឡិកា ។ ការសិក្សានេះដឹក នាំដោយអ្នកជំនាញ នៅសាកលវិទ្យាល័យ Southern Denmark និង Duke នៅ North Carolina ហើយក៏មានអ្នកសិក្សា មកពីសាកលវិទ្យាល័យ St Andrews ក្នុងប្រទេសស្កុតឡេន ផងដែរ ។
អ្នកនិពន្ធសិក្សា Susan Alberts នៅសាកលវិទ្យាល័យ Duke មានប្រសាសន៍ថា ប្រជាជនកាន់ តែចាស់ទៅ ៗ ដោយសារតែបុគ្គលជាច្រើន ឆ្លងកាត់ដំណាក់កាលដំបូង នៃជីវិត ។ ជីវិតដំបូងធ្លាប់មានគ្រោះថ្នាក់ខ្លាំងណាស់សម្រាប់មនុស្ស ចំណែកយើងការពារការ ស្លាប់មុនអាយុភាគច្រើន៕ ដោយ៖លី ភីលីព
