អង់គ្លេស៖ទិន្នន័យរបស់រដ្ឋាភិបាលបានបង្ហាញថា ចក្រភពអង់គ្លេសបានរាយការណ៍ ករណីថ្មីនៃមេរោគCOVID-19 ចំនួន ៣៦.៦៦០ ករណី និងការស្លាប់ដោយជំងឺឆ្លងវីរុសចំនួន ៥០ នាក់ក្នុងរយៈពេល ២៤ ម៉ោងចុងក្រោយនេះយោងតាម ការចេញផ្សាយពីគេហទំព័រស្គាយញ៉ូវ។
តួលេខប្រៀបធៀបជាមួយការឆ្លង ៣៤.៤៧១ នាក់ និងការស្លាប់ ៦ នាក់ត្រូវបានរាយការណ៍ កាលពីម្សិលមិញ និង ២៨.៧៧៣ ករណី និងអ្នកស្លាប់ ៣៧ នាក់បានប្រកាសលើកនេះកាលពីសប្តាហ៍មុន។ ៧ថ្ងៃជាប់ៗគ្នាដែលមានករណីសរុបលើសពី ៣០,០០០ ។
ហើយវាគឺជាចំនួនអ្នកស្លាប់ប្រចាំថ្ងៃខ្ពស់បំផុត ចាប់តាំងពីថ្ងៃទី ៩ ខែមេសា នៅពេលអ្នកស្លាប់ ៦០ នាក់ត្រូវបានប្រកាស។ វាកើតឡើងនៅពេលមនុស្ស ៥៤,២៩៦ នាក់នៅក្នុងចក្រភពអង់គ្លេស បានទទួលវ៉ាក់សាំងការពារមេរោគCOVID ដំបូងរបស់ពួកគេកាលពីថ្ងៃច័ន្ទ ដោយទទួលយកចំនួនសរុប ៤៥.៩៧៨.០១៧ ។
ចំនួនមនុស្សដែលបានចាក់វ៉ាក់សាំងពេញលេញ បានឈានដល់ចំនួន ៣៤.៩៩៧.៤៩១ នាក់ បន្ទាប់ពីចំនួន ១២៥.៣៦០ នាក់បានចាក់លើកទី ២ កាលពីម្សិលមិញ។ ទិន្នន័យចុងក្រោយ របស់មន្ទីរសុខាភិបាល ក៏បានបង្ហាញថា មនុស្សចំនួន ៥៦៤ នាក់ត្រូវបានបញ្ជូនទៅមន្ទីរពេទ្យនៅថ្ងៃទី ៧ ខែកក្កដា បន្ទាប់ពីបានធ្វើតេស្តិ៍រកវីរុសនេះ ហើយមនុស្សចំនួន ៣.២៣៦ នាក់ត្រូវបានអនុញ្ញាត ឲ្យចូលក្នុងរយៈពេល ៧ ថ្ងៃចុងក្រោយពោលគឺកើនឡើង ប្រចាំសប្តាហ៍ ៥៣,៧ភាគរយ៕ដោយ៖លី ភីលីព
