សេអ៊ូល ៖ មនុស្សយន្តដែលបំផុសគំនិត មិនគួរឲ្យជឿអាចផ្លាស់ប្តូរ ពណ៌ តាមពេលវេលាជាក់ស្តែង ដើម្បីផ្គូផ្គងនឹងផ្ទៃខាងក្រោយ របស់វាដូចជាសត្វក្រៀល អាចត្រួសត្រាយផ្លូវ ទៅរកទម្រង់ថ្មី នៃការក្លែងបន្លំយោធា នាសម័យទំនើប នេះបើយោងតាមការ ចេញផ្សាយពីគេហទំព័រឌៀលីម៉ែល ។
ស្បែកសិប្បនិម្មិត ដែលគ្របលើផ្នែក ខាងក្រោយ នៃមនុស្សយន្តធ្វើពីប្លាស្ទិច ត្រូវបានបង្កើតឡើងដោយក្រុម ដែលដឹកនាំមកពីសាកលវិទ្យាល័យ ជាតិសេអ៊ូល ។ មនុស្ស យន្តមានរាង ដូចសត្វមានប្រវែង ១ ហ្វីត និង ៣ អ៊ីញ (៣៨ ស.ម) ។ រូបភាពរបស់សត្វបង្គួយបង្ហាញ ពីការដើរឆ្លងកាត់ផ្ទៃ ខាងក្រោយ មានឆ្នូតជាពណ៌ និងវាយនភាពផ្សេងៗគ្នា ដែលវាសិក្សាជាមួយ ឧបករណ៍ចាប់សញ្ញារបស់វា ។
នៅពេលវាឆ្លង កាត់ឆ្នូតនីមួយៗ ផ្នែកនៅលើមនុស្សយន្តត្រឡប់មកវិញ បន្តិចម្តងៗផ្លាស់ប្តូរពណ៌ ទៅជាពណ៌ដែលផ្លាស់ប្តូរ ពីពណ៌ទឹកក្រូច ឬក្រហមទៅ បៃតង ហើយចុងក្រោយមានពណ៌ខៀវ សម្បូរបែប ។ កម្មវិធីផ្សេងទៀតសម្រាប់បច្ចេកវិទ្យា អាចរួមបញ្ចូលទាំងការបង្កើត នូវអេក្រង់អាចបត់បែនបាន និងអាចធ្វើឲ្យរថយន្ត ឬអាគារអាចផ្លាស់ប្តូរពណ៌ តាមការចង់បានរបស់អ្នកប្រើប្រាស់ ។
អ្នកស្រាវជ្រាវ និងវិស្វករមេកានិច Seung Hwan Ko មកពីសាកលវិទ្យាល័យជាតិសេអ៊ូល នៅកូរ៉េខាងត្បូង បាននិយាយថា ទម្រង់ចុងក្រោយ នៃកម្មវិធីនេះនឹងក្លាយជាអាវធំ ដែលមើលមិនឃើញដោយបញ្ចូលគ្នា ទៅក្នុងផ្ទៃ ខាងក្រោយ ។ លោកបានបន្ថែមថា សម្រាប់យោធាវា នឹងបង្កើតមនុស្សយន្តស៊ើបការណ៍ ឆ្លាតវៃ ដ៏អស្ចារ្យ ហើយមិន អាចឲ្យសត្រូវកត់ សម្គាល់បានទេ ។
វាក៏បើកទ្វារដើម្បីបន្លំខ្លួន ទាហានម្នាក់យ៉ាង សកម្មផងដែរ ។ ឯកសណ្ឋានយោធាបច្ចុប្បន្នគឺ “ អកម្ម” ហើយពួកវាមានពណ៌ និងលំនាំថេរ ដែលមិនអាចឆ្លុះបញ្ចាំង ពីការផ្លាស់ប្តូរជុំវិញ បានឡើយ ផ្ទុយទៅវិញការក្លែងបន្លំសកម្ម នឹងអាចផ្លាស់ប្តូររូបរាងរបស់ពួកគេ ដើម្បីបញ្ចូលគ្នាជាមួយផ្ទៃ ខាងក្រោយ ៕ ដោយ៖លី ភីលីព
