វេណេស៊ុយអេឡា រំពឹងកិច្ចប្រជុំជាមួយនឹង បក្សប្រឆាំង ទទួលបានស្ថេរភាព សម្រាប់ប្រទេស

បរទេស៖ទីភ្នាក់ងារចិនស៊ិនហួចេញផ្សាយ នៅថ្ងៃចន្ទនេះបានឲ្យដឹងថាពលរដ្ឋរបស់ វេណេស៊ុយអេឡាកាន់តែច្រើនឡើង បាននាំគ្នា
រំពឹងទុកកាន់តែខ្លាំងចំពោះ កិច្ចចរចាគ្នារវាងបក្សប្រឆាំង និងបក្សកាន់អំណាចដែលបានធ្វើឡើងវិញ នៅក្នុងប្រទេសមិកស៊ីកូ
កាលពីថ្ងៃសុក្រកន្លងមក។

ពលរដ្ឋវេណេស៊ុយអេឡាបានបង្កើនទំនុកចិត្តថា កិច្ចពិភាក្សាគ្នានឹងប្រព្រឹត្តទៅយ៉ាងជោគជ័យ ហើយនឹងអាចឈានទៅដល់ការធ្វើឲ្យ
ប្រទេសជាតិមានស្ថេរភាពឡើងវិញ ទាំងសេដ្ឋកិច្ចនិងសន្តិភាព។

រំលឹកដែរថាចាប់តាំងតែពីខែមករាឆ្នាំ២០១៩មកស្ថានភាព នយោបាយនិងសង្គមនៅក្នុងប្រទេស វេណេស៊ុយអេឡាកាន់តែមាន សភាពធ្ងន់ធ្ងរ ឡើងជាពិសេសនៅពេលដែល អាមេរិកបានបង្កើនការដាក់ទណ្ឌកម្មទៅលើ ប្រទេសវេណេស៊ុយអេឡាជាពិសេស សំដៅទៅលើរដ្ឋាភិបាលរបស់លោក Nicolas Maduro និងតែងតែបានបន្តបង្ហាញ ជំហគាំទ្របក្សប្រឆាំង និងមេដឹកនាំលោក Juan Guaido ៕

ប្រែសម្រួល៖ស៊ុនលី