អង់គ្លេស៖ អ្នកជំនាញព្យាករណ៍ថា ចក្រភពអង់គ្លេស អាចបាត់បង់ព្រិល ដែលមានអាយុកាលវែងបំផុត នៅសប្តាហ៍នេះ បន្ទាប់បន្ទះប្រវែង ជិត៤ម៉ែត្រនៅតំបន់ Cairngorms ត្រូវបានគេដាក់ឈ្មោះថា The Sphinx គ្រោងនឹងរលាយជាលើកទី ៨ ចាប់តាំងពីកំណត់ត្រា បានចាប់ផ្តើមនៅទសវត្សឆ្នាំ ១៧០០ ដោយសារអាកាសធាតុក្តៅ នេះបើយោងតាមការចេញផ្សាយ ពីគេហទំព័រឌៀលីម៉ែល។
បន្ទះនេះត្រូវបានគេស្គាល់ថា The Sphinx បន្ទះព្រិលប្រវែង៤ម៉ែត្រនា Braeriach នៅ Cairngorms ត្រូវបានគេដឹងថា បានរួចជីវិតស្ទើរតែរៀងរាល់រដូវក្តៅ ចាប់តាំងពីកំណត់ត្រាបានចាប់ផ្តើម ប៉ុន្តែវាអាចក្លាយជាជនរងគ្រោះ នៃការប្រែប្រួលអាកាសធាតុ ដោយរដូវក្តៅរដូវស្លឹកឈើជ្រុះសើម និងរដូវរងាត្រជាក់ជាងនេះ បណ្តាលឲ្យវាតូចជាងមុនព្រមាន អ្នកឡើងភ្នំ និងអ្នកស្រាវជ្រាវ Iain Cameron ដោយនិយាយថា វាទំនងជាមិនមាន រយៈពេលចុងសប្តាហ៍នេះទេ។
ស្កុតឡេនមានព្រិលទឹកកកជាច្រើន ប៉ុន្តែពួកវារលាយជាញឹកញាប់ ទោះយ៉ាងណា Sphinx បានរលាយតែ៧ដងប៉ុណ្ណោះ រយៈពេល៣០០ឆ្នាំមាន៣ដង ក្នុងរយៈពេល៥ ឆ្នាំចុងក្រោយ។ មិនមានផ្ទាំងទឹកកកយូរអង្វែង នៅក្នុងប្រទេសឡើយ ប៉ុន្តែផ្ទាំងទឹកកកទាំងនេះ អាចមានរយៈពេលពេញមួយរដូវក្តៅ ដោយបន្តរហូតដល់រដូវរងារដំបូង។
ភាគច្រើនទាំងនេះស្ថិតនៅលើ Ben Nevis ជាភ្នំខ្ពស់បំផុតនៅស្កុតឡេន ជាមួយអ្នកផ្សេងទៀតនៅ Cairngorms ជាជួរភ្នំនៅតំបន់ខ្ពង់ រាបខាងកើតនៃប្រទេស។ ក្រុមអ្នកជំនាញមានការព្រួយបារម្ភថា ការស្លាប់ជាអចិន្រ្តៃយ៍ របស់វាអាចនឹងកើតមាន ចំពោះបំណះព្រិលទាំងអស់ រួមទាំងនិមិត្តសញ្ញា Sphinx ផងដែរ៕ ដោយ៖លី ភីលីព
