អាល្លឺម៉ង់ ៖ យោងតាមតួលេខ លក់ចេញបានឲ្យដឹងថា ការលក់រថយន្តអគ្គិសនី Taycan ដែលមានតម្លៃ ៨៣.០០០ ដុល្លារ របស់ក្រុមហ៊ុន Porsche បាននាំមុខរថយន្តស្ព័រ ៩១១ ជាលើកដំបូង ខណៈក្រុមហ៊ុន ផលិតរថយន្តអាល្លឺម៉ង់ ព្យាករណ៍ថា ៨០ ភាគរយនៃការលក់ របស់ខ្លួននឹងក្លាយ ជារថយន្ត EV នៅឆ្នាំ ២០៥០ នេះបើយោងតាមការចេញផ្សាយ ពីគេហទំព័រឌៀលីម៉ែល ។
ក្រុមហ៊ុនដែលគ្រប់គ្រងដោយ Volkswagen បានលក់ Taycans ចំនួន ២៨.៦៤០ គ្រឿង ក្នុងរយៈពេល ៩ ខែដំបូង នៃឆ្នាំ ២០២១ បើប្រៀបធៀបទៅនឹង ៩៧១២ នៃម៉ាស៊ីនចំហេះ ៩១១ ។ គ្មានម៉ូដែលណាមួយ ដែលជាការពេញនិយមបំផុត របស់ក្រុមហ៊ុននោះទេ ប៉ុន្តែនោះជារថយន្ត Porsche Cayenne បានលក់រថយន្តចំនួន ៦២.៤៥១ គ្រឿង ក្នុងរយៈពេល ៣ ត្រីមាសដំបូង តាមពីក្រោយដោយ Macan ដោយមាន ចំនួន ៦១.៩៤៤ គ្រឿង ។
ក្រុមហ៊ុន Porsche និយាយថា ខ្លួនរំពឹងថា រថយន្តអេឡិចត្រូនិក នឹងបង្កើតបានជាង ៨០ ភាគរយ នៃការលក់ នៅទូទាំងពិភពលោក នៅចុងទសវត្ស នេះដោយមានរថយន្តម៉ាក SUV ម៉ាក Macan ដើរដោយថាមពលថ្ម គ្រោងសម្រាប់ ឆ្នាំ ២០២៣ ។ សរុបមកក្រុមហ៊ុន Porsche បានចែកចាយរថយន្ត ចំនួន ២១៧.១៩៨ គ្រឿង នៅទូទាំងពិភពលោក នៅចន្លោះខែមករាដល់ ខែកញ្ញាឆ្នាំ ២០២១ កើនឡើង ១៣ ភាគរយបើធៀបនឹង រយៈពេលដូចគ្នាកាលពីឆ្នាំមុន ។
ប្រធានផ្នែកលក់ របស់ក្រុមហ៊ុន Porsche AG លោក Detlev von Platen បាននិយាយ នៅក្នុងសេចក្តីប្រកាសមួយថា បញ្ជីបញ្ជាទិញត្រូវ បានបំពេញយ៉ាងល្អ ហើយយើងបានបំពេញនូវសុទិដ្ឋិនិយម និងភាពរីករាយនៅពេល ដែលយើងខិតជិតដល់ចុងឆ្នាំ ៕ដោយ៖លី ភីលីព
