សិង្ហបុរី៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៥ ខែតុលា ឆ្នាំ២០២១ថា ក្រសួងសុខាភិបាល បានឲ្យដឹងនៅក្នុង សេចក្តីប្រកាសព័ត៌មានមួយថា ប្រទេសសិង្ហបុរី បានកត់ត្រា ចំនួនអ្នកឆ្លងជំងឺកូវីដ-១៩ថ្មី ចំនួន៣.៣៨៣នាក់ គិតត្រឹម ថ្ងៃអាទិត្យ ដែលនាំឲ្យចំនួនអ្នកឆ្លងជំងឺសរុប នៅក្នុងប្រទេសកើនឡើង ដល់១៧២.៦៤៤នាក់ ។
ក្នុងចំណោមករណីថ្មី ចំនួន២.៧០៨នាក់ ត្រូវបានគេរាយការណ៍ថា ជាអ្នកឆ្លងក្នុងសហគមន៍ និង៦៦៧នាក់ ជាកម្មករអន្តោប្រវេសន៍ ដែលស្នាក់នៅក្នុងកន្លែងធ្វើការ ទន្ទឹមនឹងនេះដែរ ចំនួន៨នាក់ ជាអ្នកនាំចូលពីខាងក្រៅ ។
ក្រសួងសុខាភិបាល បានឲ្យដឹងថា សរុបករណីដែលបានកំពុងព្យាបាល នៅមន្ទីរពេទ្យនាពេលបច្ចុប្បន្ននេះ ចំនួន១.៧៣៨នាក់ ។ ក្នុងចំណោមពួកគេទាំងនោះ អ្នកជំងឺចំនួន២៧៨នាក់ ត្រូវការអុកស៊ីសែន ដើម្បីជួយសម្រួលដល់ការដកដង្ហើម ជាចាំបាច់ ហើយចំនួន៩៧នាក់ ស្ថិតក្នុងការស្ថានភាពធម្មតា ដែលកំពុងបន្តតាមដាន នៅអង្គភាពថែទាំជំងឺ និង៥៨នាក់ កំពុងស្ថិតក្នុង ការជួយសង្គ្រោះបន្ទាន់នៅបន្ទប់ ICU ។
អ្នកស្លាប់ដោយសារជំងឺកូវីដ-១៩បន្ថែមទៀតត្រូវបានរាយការណ៍ឲ្យដឹង នៅក្នុងប្រទេសអាស៊ីអាគ្នេយ៏មួយនេះ ដែលនាំឲ្យចំនួនអ្នកស្លាប់ សរុបកើនឡើង ដល់៣១៥នាក់ ៕ប្រែសម្រួលដោយ៖ ម៉ៅ បុប្ផាមករា
