សិង្ហបុរី៖ ករណីថ្មីនៃជំងឺកូវីដ-១៩ ប្រចាំថ្ងៃរបស់សិង្ហបុរី បានកើនឡើងលើសញ្ញាសម្គាល់ ចំនួន ៥០០០ករណី ជាលើកដំបូងជាមួយនឹងស្លាប់ ១០នាក់ នេះបើយោងតាមការចុះផ្សាយ របស់ទីភ្នាក់ងារសារព័ត៌មានសិង្ហបុរី។
ប្រភពព័ត៌មានពី ក្រសួងសុខាភិបាល (MOH) បានរាយការណ៍ពីករណីថ្មីចំនួន ៥៣២៣ករណី គិតត្រឹមថ្ងៃត្រង់ ខណៈដែលមនុស្ស ១០នាក់ទៀតបានស្លាប់ ដោយសារផលវិបាក ដោយសារវីរុសនេះ។
អ្នកស្លាប់មានអាយុចន្លោះពី ៥៤ ទៅ ៩៦ឆ្នាំ។ ទាំងអស់លើកលែងតែករណី ដែលមិនបានទទួលថ្នាំបង្ការ មានលក្ខខណ្ឌជំងឺផ្សេងៗ MOH មិនបានបញ្ជាក់ថា តើលក្ខខណ្ឌទាំងនេះជាអ្វីនោះទេ។
ការស្លាប់នេះ នាំឱ្យចំនួនអ្នកស្លាប់ ដោយសារជំងឺកូរ៉ូណា នៅសិង្ហបុរី ឡើងដល់៣៤៩នាក់ ។ ចំនួនអ្នកឆ្លងថ្មីនៃជំងឺកូវីដ-១៩ គឺកើនឡើងពីចំនួនប្រចាំថ្ងៃ ៣២៧៧ករណី ដែលបានរាយការណ៍កាលពីថ្ងៃអង្គារ។
ក្នុងចំណោមករណីកាលពីថ្ងៃពុធ ការឆ្លងចំនួន ៥៣១២ករណី ត្រូវបានចម្លងក្នុងមូលដ្ឋាន ដែលរួមមាន ៤៦៥១ករណី ឆ្លងនៅក្នុងសហគមន៍ និង ៦៦១ករណី នៅក្នុងអន្តេវាសិកដ្ឋាន របស់ពលករចំណាកស្រុក៕ ដោយ ឈូក បូរ៉ា
