បរទេស៖ អគ្គលេខាធិការអង្គការណាតូ លោក Jens Stoltenberg បាននិយាយកាលពីថ្ងៃសុក្រថា ប្រសិនបើរដ្ឋាភិបាលទីក្រុងប៊ែរឡាំងបដិសេធមិនព្រមដាក់ទីតាំងអាវុធនុយក្លេអ៊ែររបស់អង្គការណាតូទេនោះ ខ្លួនអាចត្រូវបានផ្លាស់ប្តូរទៅកាន់ប្រទេសអឺរ៉ុបផ្សេងទៀត រួមទាំងនៅតំបន់ភាគខាងកើតនៃទ្វីបផងដែរ។
យោងតាមសារព័ត៌មាន Sputnik ចេញផ្សាយនៅថ្ងៃទី១៩ ខែវិច្ឆិកា ឆ្នាំ២០២១ បានឱ្យដឹងដោយផ្អែកតាមការលើកឡើងរបស់លោក Stoltenberg ថា «ខ្ញុំរំពឹងថាប្រទេសអាល្លឺម៉ង់នឹងបន្ត ជាផ្នែកមួយនៃការចែករំលែកនុយក្លេអ៊ែរ ព្រោះវាមានសារៈសំខាន់ខ្លាំងណាស់សម្រាប់ក្របខ័ណ្ឌការពារអឺរ៉ុបទាំងមូល»។
លោក Stoltenberg បន្តថា ជម្រើសសម្រាប់ការចែករំលែកនុយក្លេអ៊ែររបស់ណាតូ គឺជាប្រភេទនៃការរៀបចំទ្វេភាគី។ អាល្លឺម៉ង់អាចសម្រេចចិត្តថាតើនឹងមានអាវុធនុយក្លេអ៊ែរនៅក្នុង ប្រទេសរបស់អ្នក ប៉ុន្តែជម្រើសនោះគឺថា យើងបញ្ចប់ដោយអាវុធនុយក្លេអែរនៅក្នុងប្រទេសផ្សេងទៀតក្នុងទ្វីបអឺរ៉ុប ក៏ដូចជានៅភាគខាងកើត នៃប្រទេសអាល្លឺម៉ង់ផងដែរ៕
