លោក បៃដិន ថា នឹងឈរឈ្មោះដណ្តើមតំណែងប្រធានាធិបតី សម្រាប់ការបោះឆ្នោត ២០២៤ បើសិនជាសុខភាពល្អ

វ៉ាស៊ីនតោន៖ ទីភ្នាក់ងារព័ត៌មានចិនស៊ិនហួ បានចុះផ្សាយព័ត៌មានឲ្យដឹងនៅថ្ងៃទី២៣ ខែធ្នូ ឆ្នាំ២០២១ថា លោក ចូ បៃដិន ប្រធានាធិបតីសហរដ្ឋអាមេរិក បានថ្លែងកាលពីថ្ងៃពុធថា លោកនឹងឈរឈ្មោះសម្រាប់ការបោះឆ្នោតឡើងវិញនៅឆ្នាំ២០២៤ ប្រសិនបើគាត់មានសុខភាពល្អនៅពេលនោះ។

“បាទ” គាត់បានថ្លែងនៅពេលដែលសួរដោយអ្នករៀបចំកម្មវិធី គឺលោក David Muir ប្រសិនបើគាត់មានគម្រោងឈរឈ្មោះឱ្យជាប់ឆ្នោតឡើងវិញនៅក្នុងបទសម្ភាសន៍មួយដែលបានចាក់ផ្សាយកាលពីថ្ងៃពុធនៅលើកម្មវិធី World News Tonight របស់ ទូរទស្សន៍ ABC ។

“តែមើលចុះ ខ្ញុំជាអ្នកគោរពវាសនាដ៏ខ្ពង់ខ្ពស់ វាសនាបានជ្រៀតជ្រែកក្នុងជីវិតខ្ញុំច្រើនដង បើខ្ញុំមានសុខភាពល្អ ខ្ញុំពេលនេះ បើខ្ញុំមានសុខភាពល្អ ការពិតខ្ញុំ នឹងប្រជែងម្តងទៀត” គាត់បានថ្លែងដូច្នេះ ។

លោក Muir បានសួរលោក បៃដិន ថាតើ គាត់នៅតែចង់ឈរឈ្មោះ ប្រសិនបើគូប្រជែងរបស់គាត់គឺជាអតីតប្រធានាធិបតី ដូណាល់ ត្រាំ ប្រជែងគ្នាម្តងទៀត ។

លោក បៃដិន បានឆ្លើយទាំងសើចថា “អ្នកកំពុងព្យាយាមល្បួងខ្ញុំឥឡូវនេះ” ។ “ប្រាកដហើយ ហេតុអ្វីបានជាខ្ញុំមិនអាចឈរឈ្មោះប្រឆាំងនឹងលោក ដូណាល់ ត្រាំ សម្រាប់បេក្ខភាពនេះ? នោះនឹងបង្កើនការរំពឹងទុកនៃការឈរឈ្មោះ” ៕