រុស្ស៊ី ៖ ប្រទេសរុស្ស៊ី កំពុងផ្លាស់ប្តូរការដាក់ ស្លាកក្រុមហ៊ុនបណ្តាញ ទំនាក់ទំនងសង្គមយក្ស អាមេរិក Meta ថា ជា អង្គការជ្រុលនិយម បន្ទាប់ពីក្រុមហ៊ុន បាននិយាយថា ខ្លួននឹង អនុញ្ញាត ឲ្យមនុស្សបង្ហោះការអំពាវនាវ ប្រើហឹង្សា ឬ សម្លាប់លោកវ្ល៉ាឌីមៀ ពូទីន ជាបណ្តោះអាសន្ន យោងតាមការចេញផ្សាយ ពីគេហទំព័រស្គាយញ៉ូវ ។
អគ្គរដ្ឋអាជ្ញា របស់ប្រទេស ក៏បានស្នើសុំឲ្យនិយតករ ទំនាក់ទំនង Roskomnadzor រឹតបន្តឹង ការចូលប្រើ Instagram បន្ទាប់ពីការទប់ស្កាត់ របស់ខ្លួនប្រឆាំងនឹង Facebook និង Twitter កាលពីសប្តាហ៍មុន ។ វាគឺជាការគៀបចុងក្រោយបំផុត លើការចូលទៅកាន់ប្រព័ន្ធផ្សព្វផ្សាយ បរទេស នៅប្រទេសរុស្ស៊ីក្នុងបរិបទ នៃការឈ្លានពានអ៊ុយក្រែន ដែលរដ្ឋាភិបាល រុស្ស៊ី ពណ៌នាថា ជាប្រតិបត្តិការ យោធាពិសេស ។
ហេតុអ្វីបានជាអាជ្ញាធររុស្ស៊ី ធ្វើចលនាប្រឆាំង Meta? យោងតាមអគ្គរដ្ឋអាជ្ញា មានការអំពាវនាវ នៅលើ Instagram សម្រាប់ជនជាតិរុស្ស៊ី ឲ្យចូលរួមក្នុង “កុបកម្មអមដោយអំពើហិង្សា” ប្រឆាំង នឹងសកម្មភាព របស់រដ្ឋាភិបាល របស់ពួកគេនៅអ៊ុយក្រែន ។ Meta ត្រូវបានគេរាយការណ៍ថា បានផ្ញើអ៊ីម៉ែល ទៅអ្នកសម្របសម្រួល ដែលពន្យល់ថា ក្រុមហ៊ុនកំពុងបង្កើតប្រាក់ ឧបត្ថម្ភសម្រាប់ទម្រង់ នៃការបញ្ចេញមតិនយោបាយ ដែលជាធម្មតានឹងបំពានច្បាប់ របស់យើង ។
ការលើកទឹកចិត្ត នៃអំពើហឹង្សាលើជនស៊ីវិលរុស្ស៊ី នឹងបន្តត្រូវ បានហាមឃាត់ ហើយការបង្ហោះ អំពាវនាវ ឲ្យមានការសម្រាប់ របស់ប្រធានាធិបតី នឹងត្រូវបានលុប ប្រសិនបើពួកគេមាន គោលដៅផ្សេងទៀត ឬ ពិភាក្សាអំពីទីតាំង ឬវិធីសាស្រ្ត ។ ច្បាប់ក៏ត្រូវបានបន្ធូរ បន្ថយជុំវិញការ ប្រកាសអំពីប្រធានាធិបតីបេឡារុស្ស Alexander Lukashenko បន្ទាប់ពីការលុកលុយ ។
គោលការណ៍បណ្តោះអាសន្ននេះ អនុវត្តចំពោះតែអ្នកប្រើប្រាស់ នៅក្នុងប្រទេសអាមេនី អាស៊ែបៃហ្សង់ អេស្តូនី ហ្សកហ្ស៊ី ហុងគ្រី ឡាតវី លីទុយអានី ប៉ូឡូញ រូម៉ានី រុស្ស៊ី ស្លូវ៉ាគី និងអ៊ុយក្រែន ៕ ដោយ៖លី ភីលីព
