បរទេស៖ កងកម្លាំងប្រដាប់អាវុធរបស់រុស្ស៊ីបានបញ្ចប់ “ដំណាក់កាលទីមួយ” នៃបេសកកម្មរបស់ពួកគេក្នុងប្រទេសអ៊ុយក្រែន នេះបើយោងតាមមេបញ្ជាការយោធាកំពូល ដែលបានអះអាងថា សក្តានុពលប្រយុទ្ធរបស់ទីក្រុងគៀវត្រូវបានថយចុះយ៉ាងខ្លាំង បន្ទាប់ពីមានការប្រយុទ្ធគ្នាមួយខែ។
យោងតាមសារព័ត៌មាន RT ចេញផ្សាយនៅថ្ងៃទី២៦ ខែមីនា ឆ្នាំ២០២២ បានឱ្យដឹងថា ថ្លែងក្នុងសន្និសីទសារព័ត៌មានកាលពីថ្ងៃសុក្រ លោកឧត្តមសេនីយ៍ Sergey Rudskoy បាននិយាយថា ទីក្រុងម៉ូស្គូបានឈានដល់គោលដៅរបស់ខ្លួនសម្រាប់ជើងទីមួយនៃប្រតិបត្តិការយោធារបស់ខ្លួនក្នុងប្រទេសអ៊ុយក្រែន ដោយបន្ថែមថា នេះនឹងអនុញ្ញាតឱ្យវាផ្តល់ការយកចិត្តទុកដាក់ពេញលេញដល់តំបន់ Donbass ។
លោក Rudskoy ដែលបម្រើការជាប្រធាននាយកដ្ឋានប្រតិបត្តិការចម្បងរបស់យោធារុស្ស៊ីបាននិយាយថា “ជាទូទៅ ភារកិច្ចចម្បងនៃដំណាក់កាលដំបូងនៃប្រតិបត្តិការត្រូវបានបញ្ចប់” ។ លោកថា “សក្តានុពលប្រយុទ្ធរបស់កងកម្លាំងប្រដាប់អាវុធអ៊ុយក្រែនត្រូវបានកាត់បន្ថយយ៉ាងខ្លាំង ដែលអនុញ្ញាតឱ្យ… ពួកយើងផ្តោតការខិតខំប្រឹងប្រែងរបស់យើងក្នុងការសម្រេចបាននូវគោលដៅសំខាន់គឺការរំដោះ Donbass” ៕ ប្រែសម្រួលៈ ណៃ តុលា
