ទីក្រុងឡុងដ៍ ៖ នេះបើយោងតាមការ ចេញផ្សាយពីគេហទំព័រឌៀលីម៉ែល បានប្រាប់ឲ្យដឹងថា ការចាប់ផ្តើម រហូតត្រឡប់ ទៅអនាគតវិញ វ៉ែនតាឆ្លាតវៃ គឺជាមុខងារសំខាន់ នៅក្នុងខ្សែភាពយន្ត ដែលផលិតឡើងជាច្រើន ឆ្នាំមកហើយ ដើម្បីដើរឲ្យទាន់សម័យ កាលបច្ចេកវិទ្យា នាពេលបច្ចុប្បន្ន ។
ឥឡូវនេះឧបករណ៍ ពាក់កំពុងពេញ និយមកាន់តែខ្លាំងឡើងៗ ជាមួយនឹងម៉ាកល្បីៗ ចាប់ពី Facebook ដល់ Huawei បាននាំយកវ៉ែនតា ឆ្លាតវៃផ្ទាល់ខ្លួនរបស់ពួកគេ ចេញក្នុងរយៈពេលប៉ុន្មានឆ្នាំ ចុងក្រោយនេះ ។ Snap ជាក្រុមហ៊ុន នៅពីក្រោយកម្មវិធី ដ៏ពេញនិយម Snapchat ជាលើកដំបូង បានទម្លាក់ម្រាម ជើង របស់ខ្លួនចូលទៅក្នុងពិភពវ៉ែនតា ឆ្លាតវៃកាលពីឆ្នាំ ២0១៦ ហើយចាប់តាំង ពីពេលនោះមកបានបើក ដំណើរការ Spectacles ៣ជំនាន់ ។
កាលពីឆ្នាំមុន Snap ក៏បានបង្ហាញនូវ Spectacles ជំនាន់ក្រោយរបស់ខ្លួនជាដំបូងគេ ដែលបំពាក់នូវ Augmented Reality (AR) ខណៈវ៉ែនតា មិនត្រូវបានដាក់លក់នោះ Shivali Best របស់ MailOnline បានទៅមើលការិយាល័យ របស់ Snap នៅទីក្រុងឡុងដ៍ក្នុងសប្តាហ៍នេះ ដើម្បីសាកល្បង វាដោយខ្លួននាងផ្ទាល់ ។
ហើយតាមការប៉ាន់ប្រមាណ របស់ Snap វាប្រហែលជាមិនយូរប៉ុន្មានទេ មុនពេលដែលវ៉ែនតាឆ្លាតវៃ ក្លាយជាស្តង់ដារ ដោយក្រុមហ៊ុនបច្ចេកវិទ្យាយក្ស បានប៉ាន់ប្រមាណថា ពួកវានឹងក្លាយជាការពេញ និយមដូចស្មាតហ្វូន ក្នុងរយៈពេល៥ទៅ១០ឆ្នាំ ៕ដោយ៖លី ភីលីព
