សេនហ្វ្រេនស៊ីស្កូ ៖ គិតត្រឹមថ្ងៃពុធនេះ ក្រុមហ៊ុន Microsoft នឹងលែងគាំទ្រកម្មវិធី រុករកធ្លាប់មានពីមុនមក ដែលក្រុមអ្នករុក រកគេហទំព័រចូលចិត្តស្អប់ ហើយមួយចំនួនទៀត នៅតែអះអាងថា ស្រលាញ់ចំពោះកម្មវិធី មានអាយុ ២៧ ឆ្នាំដោយចូលរួមជាមួយទូរស័ព្ទ BlackBerry ម៉ូដឹមចុចឡើង និង Palm Pilots នៅក្នុងធុងសំរាមនៃប្រវត្តិសាស្រ្តបច្ចេកវិទ្យា យោងតាមការចេញផ្សាយ ពីគេហទំព័រជប៉ុនធូដេ ។
ការស្លាប់របស់ IE មិនមែនជាការភ្ញាក់ផ្អើលនោះទេ ។ កាលពីមួយឆ្នាំមុន ក្រុមហ៊ុន Microsoft បាននិយាយថា ខ្លួននឹងបញ្ចប់ Internet Explorer នៅថ្ងៃទី ១៥ ខែមិថុនា ឆ្នាំ ២០២២ ដោយជំរុញអ្នកប្រើប្រាស់ទៅកាន់ Edge browser របស់ខ្លួនត្រូវបានដាក់ ឲ្យដំណើរការកាលឆ្នាំ ២០១៥ ។
ក្រុមហ៊ុនបានបញ្ជាក់យ៉ាងច្បាស់ថា វាដល់ពេលត្រូវបន្តដំណើរទៅមុខហើយ ។ លោក Sean Lyndersay អ្នកគ្រប់គ្រងទូទៅ នៃក្រុមហ៊ុន Microsoft Edge Enterprise បានសរសេរលើការបង្ហោះប្លក់ កាលខែឧសភា ឆ្នាំ២០២១ថា មិនត្រឹមតែ Microsoft Edge ជាបទពិសោធន៍ រុករកលឿន សុវត្ថិភាព និងទំនើបជាង Internet Explorer ប៉ុណ្ណោះទេ ប៉ុន្តែវាក៏អាចដោះស្រាយកង្វល់សំខាន់ៗ និងភាពត្រូវគ្នាសម្រាប់គេហទំព័រ និងកម្មវិធីចាស់ៗ ។
The Wall Street Journal បានដកស្រង់សម្ដីបុរសវ័យ ២២ ឆ្នាំម្នាក់ សោកស្តាយពេលឃើញ IE ទៅថា អ្នកប្រើបានសម្គាល់ការឆ្លងរបស់ Explorer នៅលើ Twitter ដោយអ្នកខ្លះសំដៅទៅវាថាជា “bug-ridden, insecure POS” ឬ “កំពូល browser សម្រាប់ដំឡើង browsers ផ្សេង”។ សម្រាប់អ្នកផ្សេងទៀត វាជាពេលមួយសម្រាប់ការនឹក រលឹកក្នុងទសវត្សរ៍ទី ៩០ ។
ក្រុមហ៊ុន Microsoft បានចេញផ្សាយកំណែដំបូង នៃ Internet Explorer កាលឆ្នាំ ១៩៩៥ ជាយុគសម័យ antediluvian នៃការរុករកគេហទំព័រ គ្របដណ្តប់ដោយកម្មវិធីរុករក ដ៏ពេញនិយមដំបូងគេ គឺ Netscape Navigator ។ ការបើកដំណើរការ របស់វាបានបង្ហាញពីការចាប់ផ្តើម នៃការបញ្ចប់ នៃកម្មវិធីរុករក ហើយក្រុមហ៊ុន Microsoft បានបន្តភ្ជាប់ IE និងប្រព័ន្ធប្រតិបត្តិការ Windows គ្រប់ទីកន្លែង របស់វាជាមួយគ្នាយ៉ាងតឹងរ៉ឹង ដែលមនុស្សជាច្រើនបានប្រើវាតាមលំនាំដើម ជំនួសឲ្យ Navigator ៕ ដោយ៖លី ភីលីព
