ទីក្រុងញូវយ៉ក ៖ បុរសអាយុ ៣៥ ឆ្នាំកំពុងប្រឈមមុខ នឹងការចោទប្រកាន់ ពីបទរំលោភបំពាន និងតាមចាប់ខ្លួន បន្ទាប់ពីអាជ្ញាធរ បាននិយាយថា លោកបានចូលក្នុងលំនៅ ដ្ឋាន២ នៅទីក្រុងញូវយ៉ក របស់តារាចម្រៀង និង អ្នកនិពន្ធបទចម្រៀងដ៏ល្បីល្បាញនាង Taylor Swift បើយោងតាមចេញផ្សាយផ្លូវការ របស់គេហទំព័រ Channel news Asia ។
ប៉ូលិសនិយាយថា ជនសង្ស័យត្រូវបានចាប់ខ្លួន កាលពីថ្ងៃសុក្របានចូលទៅក្នុងអគារ លំនៅដ្ឋានមួយ មានទីតាំងនៅសង្កាត់ Tribeca នៃទីក្រុងកាលពីថ្ងៃទី ២៦ ខែមីនា។ លោកបានដើរតាមទ្វារដោះសោ ហើយនៅតែខុសច្បាប់ មុនពេលរត់គេចខ្លួន ដោយថ្មើរជើង នៅពេលសន្តិសុខ ប្រាប់លោកឲ្យចាកចេញ ដោយអ្នកស៊ើបអង្កេតបានប្រាប់ ។
នេះបើតាមអ្នកនាំពាក្យការិយាល័យ ស្នងការរង និងទទួលព័ត៌មានសាធារណៈថា នៅថ្ងៃទី ១២ ខែមិថុនា បុរសដដែល បានចូលទៅក្នុង អគារលំនៅដ្ឋានមួយផ្សេង ទៀតភ្ជាប់ទៅនឹងនាង Swift មានទីតាំងនៅផ្លូវដូចគ្នា ហើយបានគំរាមកំហែង តាមរយៈ intercom ទៅកាន់ស្ត្រីអាយុ ៣២ ឆ្នាំ។
នាង Swift អាយុ ៣២ ឆ្នាំមានបញ្ហា ពីមុនជាមួយ Stalkers ហើយកាលឆ្នាំ ២០១៨ ប៉ូលីស បាននិយាយថា បុរសម្នាក់បានលួចចូលផ្ទះ Tribeca របស់នាង ហើយបានដេកលក់ ។ នៅឆ្នាំដដែលនោះ បុរសរដ្ឋ Colorado ម្នាក់ត្រូវបានចាប់ខ្លួន នៅខាងក្រៅផ្ទះ Beverly Hills ជាកម្មសិទ្ធិរបស់ Swift ជាមួយនឹងកាំបិត ខ្សែពួរ និងគ្រាប់រំសេវ ៕ដោយ៖លី ភីលីព
