អាមេរិក ៖ ការស្រាវជ្រាវ បានរកឃើញថា អវកាសយានិក ក្នុងបេសកកម្មរយៈពេល៦ខែ មានបទពិសោធន៍បាត់បង់ឆ្អឹង ស្មើនឹង២ ទសវត្សរ៍នៅលើផែនដី ដោយការធ្វើដំណើរ ក្នុងលំហ ក៏ដាក់សម្ពាធ លើ ប្រព័ន្ធសរសៃ ឈាមបេះដូង និងបង្កើនការប៉ះពាល់ នឹងវិទ្យុសកម្មផងដែរ នេះយោងតាមការចេញ ផ្សាយពីគេហទំព័រស្គាយញ៉ូវ ។
ការសិក្សាដែលដឹកនាំ ដោយក្រុមអវកាសយានិក បានបង្ហាញឲ្យឃើញ ពីផលប៉ះពាល់ដ៏អាក្រក់ ដែលការធ្វើដំណើរទៅលំហអាកាស មានលើគ្រោងឆ្អឹងមនុស្ស ។ ការស្រាវជ្រាវបានបង្ហាញថា អវកាសយានិក បានទទួលរងការ បាត់បង់ឆ្អឹង យ៉ាងសំខាន់ក្នុងអំឡុង ពេលហោះហើរ អវកាសរយៈពេល៦ខែដែលស្មើ នឹងប្រហែល២ទសវត្សរ៍ នៅលើផែនដី ។
ការបាត់បង់ឆ្អឹងត្រឹម តែពាក់កណ្តាល ប៉ុណ្ណោះ ត្រូវបានគេរកឃើញវិញ ក្នុងមួយឆ្នាំ បន្ទាប់ពីការ ត្រលប់មកវិញ ធ្វើឲ្យមានការព្រួយបារម្ភអំពី បេសកកម្មនាពេល អនាគត ទៅកាន់ភពព្រះអង្គារ និងព្រះច័ន្ទ ។ បេសកកម្មក្នុងលំហ រយៈពេលយូរនាំឲ្យបាត់បង់ឆ្អឹង និងកាត់បន្ថយលទ្ធភាព នៃការជាសះស្បើយឡើងវិញ ។
ការបាត់បង់ឆ្អឹងកើតឡើង ដោយសារតែកង្វះទំនាញក្នុងលំហ ជាធម្មតាឆ្អឹង ដែលផ្ទុកទម្ងន់នៅលើផែនដី មិនមានទម្ងន់ ។ ការសិក្សានេះត្រូវបានធ្វើឡើង លើអវកាសយានិក ១៧ នាក់ មានបុរស ១៤នាក់ និងស្ត្រី ៣នាក់ ដែលមានអាយុជាមធ្យម ៤៧ ឆ្នាំបានហោះហើរនៅលើ ស្ថានីយ៍អវកាសអន្តរជាតិ (ISS) ក្នុងរយៈពេល ៧ ឆ្នាំកន្លងមកនេះ ។ នាវិកបានសាទរពីទីភ្នាក់ងារ អវកាសអាមេរិក ណាសា ទីភ្នាក់ងារអវកាសកាណាដា និងអឺរ៉ុប និងទីភ្នាក់ងាររុករកអវកាសជប៉ុន ៕ដោយ៖លី ភីលីព
