សេអ៊ូល៖ រដ្ឋមន្ត្រីក្រសួងរតនាគារអាមេរិក លោកស្រី Janet Yellen បាននិយាយថា សហរដ្ឋអាមេរិកចង់បញ្ចប់ការពឹងផ្អែកហួសហេតុរបស់ខ្លួនលើផែនដីកម្រ បន្ទះស្រូបពន្លឺព្រះអាទិត្យ និងទំនិញសំខាន់ៗផ្សេងទៀតពីប្រទេសចិន ដើម្បីការពារទីក្រុងប៉េកាំងពីការកាត់ផ្តាច់ការផ្គត់ផ្គង់ ដូចដែលខ្លួនបានធ្វើ ចំពោះប្រទេសដទៃទៀត យោងតាមការចេញផ្សាយពីគេហទំព័រជប៉ុនធូដេ។
លោកស្រី Yellen បានមកដល់ទីក្រុងសេអ៊ូល កាលពីល្ងាចថ្ងៃច័ន្ទបានប្រាប់ថា លោកស្រីកំពុងជំរុញ ឲ្យមានទំនាក់ទំនងពាណិជ្ជកម្មជាមួយកូរ៉េខាងត្បូង និងសម្ព័ន្ធមិត្តគួរឲ្យទុកចិត្តផ្សេងទៀត ដើម្បីកែលម្អភាពធន់នៃខ្សែសង្វាក់ផ្គត់ផ្គង់ និងជៀសវាងឧបាយកលអាចកើតមានដោយគូប្រជែង ភូមិសាស្ត្រនយោបាយ។ លោកស្រីបាននិយាយ នៅក្នុងបទសម្ភាសន៍មួយថា ខ្សែសង្វាក់ផ្គត់ផ្គង់ធន់ មានន័យថា ភាពសម្បូរបែបនៃប្រភពផ្គត់ផ្គង់ និងការលុបបំបាត់នូវលទ្ធភាព ដែលគូប្រជែងភូមិសាស្រ្តនយោបាយ នឹងអាចគ្រប់គ្រងពួកយើង និងគំរាមកំហែងដល់សន្តិសុខរបស់យើង។
លោកស្រី Yellen នឹងគូសបញ្ជាក់អំពីកង្វល់ របស់លោកស្រីលើសុន្ទរកថា គោលនយោបាយដ៏សំខាន់មួយ ក្នុងទីក្រុងសេអ៊ូលនៅថ្ងៃអង្គារ បន្ទាប់ពីបានទស្សនា កន្លែងផលិតរបស់កូរ៉េខាងត្បូង LG Corp ក្នុងអំឡុងពេលជើងចុងក្រោយ នៃដំណើរទស្សនកិច្ចរយៈពេល ១១ ថ្ងៃទៅកាន់តំបន់ឥណ្ឌូប៉ាស៊ីហ្វិក។
យោងតាមការដកស្រង់ នៃការកត់សម្គាល់របស់នាង Yellen នឹងបង្កើតចំណុចខ្លាំងមួយសម្រាប់មិត្តរួមការងារ ឬការធ្វើពិពិធកម្មខ្សែសង្វាក់ផ្គត់ផ្គង់របស់សហរដ្ឋអាមេរិក ដើម្បីពឹងផ្អែកបន្ថែមទៀតលើដៃគូពាណិជ្ជកម្ម គួរឲ្យទុកចិត្តជាវិធានការដែលនាង បាននិយាយថា នឹងប្រយុទ្ធប្រឆាំងនឹងអតិផរណា និងជួយប្រឆាំងការអនុវត្តពាណិជ្ជកម្ម មិនយុត្តិធម៌របស់ប្រទេសចិន។
លោកស្រី Yellen បានបន្ថែមថា កូរ៉េខាងត្បូង មានភាពខ្លាំងខ្លាំងខាងធនធាន បច្ចេកវិទ្យា និងសមត្ថភាព ហើយក្រុមហ៊ុនរបស់ខ្លួន រួមទាំង LG បាននឹងកំពុងវិនិយោគ នៅសហរដ្ឋអាមេរិករួចហើយ៕ ដោយ៖លី ភីលីព
